¿Akinomej imiuan timouika ipan internet?

Tikijtouaj ika yakaj toamigo pampa kuajli iuan touikaj niman melak tiktlasojtlaj. David niman Jonatán kuajli onouikakej sakin ika David okimikti Goliat (1Sa 18:1). ¿Tleka melak kuajli onouikakej? Pampa David okitak tlen kuajli kichiuaya Jonatán niman Jonatán noijki ijkon okichiuj. Ika yejon, tla tiknekij tikpiyaskej se kuajli amigo noneki tikxeloskej tiempo niman tokojtiliskej kuajli tikixmatiskej. Pampa ipan internet xouijtika tiknextis akin tiknemilis ika uelis yes moamigo, melak mitspaleuis tla kuajli tikintlapejpenia akinomej yeskej moamigos. ¿Tleka? Pampa ipan internet miyekej tlakajkayauaj niman xkijtouaj tlen melauak itech yejuamej. Yejuamej san kitlaliaj noso kijtouaj tlen kuajli kichiuaj. Miyekej kiseliaj se solicitud ipan internet maski xmás kixmatij akin okinuajtitlanili san pampa xkinekij kiyolkokoskej. San ika, tejua maka xmomojti tla xtikteselilia se solicitud. Miyekej yokitlapejpenijkej xkipiyaskej se red social pampa xkinekij nokalaktiskej ipan tlauejli. San ika ¿tlenon noneki tikilnamikis tla tejua tikpiya se red social?

XKITAKAN VIDEO XTEKITILTI REDES SOCIALES IKA TLAMACHILISTLI, SAKIN XNANKILIKAN YEJUIN:

• 

  ¿Tlenon noneki tikilnamikis achto tiktlalis se foto noso itlaj tikijkuilos ipan internet?

• 

  ¿Tleka noneki kuajli tikintlapejpenis akin imiuan timouikas ipan internet?

• 

  ¿Tleka noneki tikitas kech tiempo tiktekitiltia ipan redes sociales? (Ef 5:15, 16).