Akin tlayekana ipan Salud Pública de Estados Unidos kijtoua kenon redes sociales kimijtlakoua telpokamej | ¿Tlenon kijtoua Biblia?

Ipan 23 de mayo de 2023, akin tlanauatiaj ipan Salud Pública de Estados Unidos okijtojkej kenon melak ikimijtlakojtika telpokamej pampa kintekitiltiaj redes sociales.

• “Redes sociales uelis kinpaleuis kokonej niman telpokamej, san ika, yonoitak ika tla xnotlajpiyaj, uelis kimijtlakos intsontekon niman intlamachilis” (Social Media and Youth Mental Health: The U.S. Surgeon General’s Advisory [Las redes sociales y la salud mental de los jóvenes: Informe del director general de Salud Pública de Estados Unidos], 2023).

Informe tlen onochiuj kijtoua kenon redes sociales uelis kimijtlakos telpokamej:

• Onoitak ika telpochkokonej akin kipiyaj 12 a 15 xiuitl “niman kikuij redes sociales kanaj 3 horas ipan se tonajli uelis kinmajsis se kokolistli ipan intsontekon, ken depresión niman ansiedad”.

• Onoitak ika telpokamej akin kipiyaj 14 xiuitl niman melak kintekitiltiaj redes sociales, “xok más kuajli kochij, xok kuelitaj ken nesij, kinpijpinaujtiaj ipan redes sociales, melak najmanaj niman kipiyaj depresión, yejuin más inpan nochiua ichpokamej”.

¿Tlenon uelis kichiuaskej tatajtin para uelis kintlajpiyaskej inkoneuan? Biblia kimijlia tlen uelis kichiuaskej.

Tlen uelis kichiuaskej tatajtin

Maka xkauilmati. Xnemili tlen uelis ipan panos mokoneuj tla kinpiya redes sociales niman sakin xnemili tla tijkauilis makintekitilti.

• Texto tlen mechpaleuis: “Xmachti mokoneu ken kuajli nouikas aman chika konetl” (Proverbios 22:6).

• Tla tikneki okseki tikmatis, xkamapoua tlamachtijli “¿Deberían mis hijos usar redes sociales?”.

Tla tijkauilia mokoneuj makintekitilti redes sociales, xtlajpiya niman xkita tlenon kichiua mokoneuj ipan internet. ¿Kenon uelis tikchiuas yejuin?

Xtlajpiya mokoneuj maka makita tlen ueliskia kijtlakos. Xmajmachti mokoneuj makimati tlen ueliskia kijtlakos ipan internet niman ijkon maka makita.

• Texto tlen mechpaleuis: “Maka nion achijtsin xteneuakan on auilnemilistli, nion itlaj okse yejuan xchipauak, nion itlaj yejuan xkuajli eleuilistli. Maka xkijtokan itlaj tlen tepinajtij, nion itlaj tontojyotl, noso on xkuajli kamanajli” (Efesios 5:3, 4).

• Ipan tlamachtijli “Enséñele a su hijo adolescente a usar con seguridad las redes sociales” uelis tiknextis tlen melak mitspaleuis.

Xkita ika mokoneuj maka san manento ipan redes sociales. Xkijli mokoneuj kemanon niman kech tiempo uelis kintekitiltis iredes sociales.

• Texto tlen mechpaleuis: “Kuajli xmotakan sano nemejuamej ken nemouikaskej. Maka xmouikakan ken on yejuan xtlamatkej, yej xmouikakan ken tlamatkej. Maka xpolokan tiempo, yej nochipa xchiuakan tlen kuajli” (Efesios 5:15, 16).

• Xkita iuan mokoneuj video “Pizarra animada” Xtekitilti redes sociales ika tlamachilistli niman ijkon makasikamati tleka noneki tikijlis kemanon niman kech tiempo uelis kintekitiltis redes sociales.