¿Uelis redes sociales kijtlakoskej mokoneuj? | Kenon Biblia uelis kinpaleuis tajtin

Ipan revista New York Times del 17 de junio del 2024, tlapajtijketl Vivek Murthy akin cirujano general ne Estados Unidos, okijto: “Aman melak miyekej telpokamej niman ichpokamej kualoj ipan intsontekon niman intlamachilis san ipampa redes sociales”.

¿Kenon uelis tajtin kinpaleuiskej inkoneuan manotlajpiyakan itech redes sociales? Biblia kijtoua tlen uelis kinpaleuis.

Tlen uelis kichiuaskej tajtin

Xkimita yejuin textos tlen uajnesij ipan Biblia.

“On tlakatl yejuan tlamatki achtoj kinemilia tlinon kichiuas” (Proverbios 14:15).

Pampa redes sociales uelis kijtlakos mokoneuj maka xkauili makitekitilti san pampa oksekimej ijkon kichiuaj. Achto tijkauilis mokoneuj makitekitilti se red social, noneki tikitas tla kuajli kasikamati kech tiempo kitekitiltis, akinon uelis iuan nouikas niman tlen xnoneki kitas.

• Tla tikneki tikmatis más itech yejuin, xkimita tlamachtiltin “¿Deberían mis hijos usar redes sociales?” niman “Enséñele a su hijo adolescente a usar con seguridad las redes sociales”.

“Maka xpolokan tiempo” (Efesios 5:16).

Tla tijkauilia ika mokoneuj makintekitilti redes sociales, xmachti kenon noneki kintekitiltis niman xkijli ika yejon tlen tikijlia kipaleuis maka makijtlakokan. Niman tla tikita ika mokoneuj yopeuj nopatla, kanaj nonekis xok más kintekitiltis redes sociales.

• Xkui video Xtekitilti redes sociales ika tlamachilistli para tikasikamachiltis mokoneuj tlenon xnoneki kichiuas.

Okseki xkita

Biblia kijtoua ika tinemij ipan se tiempo ijkuak “tlamach nochiuas tlen sanoyej xkuajli” (2 Timoteo 3:1-5). San ika, noijki kijtoua tlen uelis techpaleuis kuajli matinemikan. Ipan yejuin tlamachtijli tlen tlajtoua itech kenon redes sociales kimijtlakoua intsontekon niman itlamachilis telpokamej uelis tiknextis 20 tlamachtiltin tlen nokixtiaj itech Biblia tlen uelis kinpaleuis tajtin niman inkoneuan.