¿Tikita kenon mitsnankilia Jehová?

Ipan Biblia tikitaj kenon Jehová okinnankili inteoyouan sekimej itekipanojkauan. Niman yejuamej okitakej kenon Jehová melak kintlasojtlaya niman ika kinekiya kinpaleuis, niman yejon melak okinyolchikauj. Kuakon, ijkuak tiknotsaskej Jehová, matikijlikan tlenon tiknekij niman matikitakan kenon technankilia. San ika, matikilnamikikan ika Jehová xnochipa technankilis ijkon ken tejuamej tiktlajtlaniliaj, noso kemantika hasta más techpaleuis (2Co 12:7-9; Ef 3:20). Yejua kemantika ijkin technankilia:

• Techmaka kojtilistli, techyolseuiya niman kichikaua totlaneltok ijkuak tikixnamikij tlen ouijtika (Flp 4:13, TNM).

• Techmaka tlamachilistli ijkuak noneki itlaj tiktlapejpeniskej (Snt 1:5).

• Yejua kichiua matiknekikan itlaj matikchiuakan (Flp 2:13).

• Techyolseuiya ijkuak sajnoye toyolajmanaj (Flp 4:6, 7).

• Kintekitiltia oksekimej para matechpaleuikan (1Jn 3:17, 18).

• Ijkuak tiktlajtlaniliaj yakaj makipaleui, yejua kipaleuiya (Hch 12:5, 11).

XKITAKAN VIDEO JEHOVÁ KINKAKI TOTEOYOUAN, SAKIN XNANKILIKAN YEJUIN:

• ¿Kenon kinyolchikaua tokniuan akin kualoj tlen okijto tokniuj Shimizu?

• ¿Kenon uelis tikchiuaskej ijkon ken tokniuj Shimizu?