Maka san xkauilmati ijkuak tiktlapejpenis akin iuan timonamiktis

Akin yononamiktijkej niman nochipa ika inyojlo nemij, kiueyichiuaj Jehová niman nochipa yolpakij (Mr 10:9). Tla se tokniuj akin kineki nonamiktis kichiua tlen Biblia kijtoua ijkuak kitlapejpenia akin iuan nonamiktis, melak yolpakis niman nochipa ika iyojlo nemis iuan isiuauj noso iueuentsin.

Biblia kijtoua ika tla se kineki nonamiktis, manonamikti ijkuak yopeuj más kuajli tlanemilia niman ijkuak xok san kinemilijtika yakaj iuan notekas (1Co 7:36). Tla tejua xitimonamiktia, más kuajli iuan xmouika Jehová niman xchiua tlen yejua kuelita. Tla tejua ijkon tikchiua, ijkuak timonamiktis kuajli tikchiuas motekiyo ken teueuentsin noso tesiuauj.

Kuakon, tla tikneki timonamiktis, kachtopa kuajli xkixmati akin tikneki iuan timonamiktis (1Pe 3:4). Tla itlaj xtikuelita, xtlajto iuan akin tikneki timonamiktis niman xyektlalikan. Niman xkilnamikikan ika nochimej, hasta akin yononamiktijkej, xnoneki san itech tlanemiliskej, noijki noneki tlanemiliskej intech oksekimej (Flp 2:3, 4). Tla aman ika xitimonamiktia tikchiua nochi tlen kijtoua Biblia, ijkuak timonamiktis xouijtika tiktlakamatis tlen ompa kijtoua niman nochipa tiyolpakis iuan moixnamik.

XKITAKAN VIDEO TLEN UELIS MITSPALEUIS TLA TIKNEKI TIMONAMIKTIS. PARTE 3: XKITA TLA KAJXILIS MOTOMIN, SAKIN XNANKILIKAN YEJUIN:

• ¿Kenon nouikaya tokniuj ichpochtli iuan Shane?

• ¿Tlenon okitak tokniuj ichpochtli ijkuak opeuj más kuajli kixmati Shane?

• ¿Kenon okipaleuijkej itajuan yejon ichpochtli, niman tlenon okitlapejpeni?