MATINEMIKAN KEN CRISTO
Tajtin, nemokoneuan noijki uelis tlamachilisejkej yeskej
Tajtin, tla nenkinekij ika nemokoneuan manochiuakan tlamachilisejkej ixpan toTajtsin, xkinpaleuikan kuajli makasikamatikan tlen nopanoltia ipan tlanechikoltin. Tlen ompa kikakij niman tlen ompa noijtoua uelis kinpaleuis más kuajli makixmatikan Jehová niman kuajli iuan manouikakan (Dt 31:12, 13). San ika ¿kenon uelis tikinpaleuis mokoneuan kuajli makasikamatikan tlen nopanoltia ipan tlanechikoltin?
Xmokojtili nochipa tias tlanechikoltin (Sl 22:22).
Xkita ika mokoneuan matlajtokan imiuan tokniuan achto peuas tlanechikojli niman ijkuak yotlan (Heb 10:25).
Xkita ika nochimej mochanejkauan makinpiyakan amatlajkuiloltin tlen notekitiltiaj ipan tlanechikoltin (uelis yes ika amatl noso ipan teléfono noso tableta).
Xkinpaleui mokoneuan matlanankilikan ika tlen kisa ipan inyojlo (Mt 21:15, 16).
Nochipa kuajli xtlajto itech tlanechikoltin niman itech tlen ompa nopanoltia.
Xkinpaleui mokoneuan para teuan matlachipauakan ipan Kajli kampa tosentlaliaj niman para matlajtokan imiuan tokniuan akin iuejueyimej.
Tajtli, kemantika kanaj tiajmankamikis pampa tikitas ika melak miyek tekitl noneki tikchiuas para tikpaleuis mokoneuj manonisiui itech Jehová. San ika, kuajli xmatsto ika xmoselti tinemi, Jehová mitspaleuis (Is 40:29).
XKITAKAN VIDEO TAJTIN, XTLANELTOKAKAN IKA JEHOVÁ NOCHIPA MECHPALEUIS, SAKIN XNANKILIKAN YEJUIN:
¿Tlenon panotoya pampa Miguel niman Lidia melak yosiaujkaj?
¿Tleka tajtin noneki kitlajtlaniliskej Jehová makinpaleui?
¿Tlenon okichiujkej Miguel niman Lidia para nopaleuiskej itech Jehová?