5-11 DE AGOSTO

SALMOS 70-72

Tlakuikajli 59 niman teoyotl | Tlen noijtos ijkuak peuas tlanechikojli (1 min.)

TLEN TEPALEUI ITECH ITLAJTOL TOTAJTSIN

1. Xkinnojnotsa itech ikojtilis toTajtsin “on yejuan nemij niman yejuan uajnentiaske”

(10 mins.)

David okitak kenon Jehová okitlajpix ijkuak telpochtli katka (Sl 71:5; w99-S 1/9 18 párr. 17).

David okitak kenon Jehová okitlajpix ijkuak iueuentsin katka (Sl 71:9; g04-S 8/10 23 párr. 3).

David kinyolchikauaya telpokamej pampa kimijliaya kenon Jehová yokipaleuijka (Sl 71:17, 18; w14-S 15/1 23 párrs. 4, 5).

Tokniuj tajtli iuan ifamilia akin ouajneskej ipan tlamachtijli “Tlen mechpaleuis ijkuak nenkueyichiuaskej toTajtsin ken familia” tlen onoitak ipan semana tlen youajpanok. Okinotskej se tokniuj akin iueyi niman isiuatsin para imiuan manomachtikan ken familia. Kuajli kinkakij yejuin tokniuan ijkuak yejuamej kimijliaj tlen kualtsin inpan yopanok niman kimititiaj fotos.

XMOTLAJTOLTI: “¿Akinon tokniuj akin iueyi nikuelitaskia nikijlis mauajla ijkuak tikueyichiuaskej Jehová ken familia?”.

2. Matiktejtemokan tlen tepaleui niman iyantika

(10 mins.)

Sl 72:8. ¿Kenon onochiuj teotlajtojli tlen nesi ipan Génesis 15:18 ijkuak tekiuajtitoya Salomón? (it-1-S 883).

Motlanankilil
¿Tlenon más otikuelitak itech tlen onopouj ipan Biblia yejuin semana?

Motlanankilil

3. Tlen nopoua ipan Biblia

(4 mins.) Sl 71:1-22 (th tlamachtijli 5).

XMOMACHTI MELAK KUAJLI XTENOJNOTSA

4. Xpeua xtenotsa

(3 mins.) TECHAJCHAN. Ijkuak akin tiknojnotsa peua kineki mouan nokualanis, san kualtsin xkijli ika itiauj (lmd tlamachtijli 4 punto 5).

5. Oksejpa xteitati

(4 mins.) SAN KANON XTENOJNOTSA. Oksejpa xtlajto iuan se mochanejkauj akin ok xkimati tla kineki nomachtis Biblia noso xkimati tla kineltokas tlen temachtia Biblia (lmd tlamachtijli 8 punto 4).

6. Xteijli tlen tikneltoka

(5 mins.) Tlamachtijli. ijwfq-S 49. Tlajtoua itech: ¿Tleka kemantika iteixpantijkauan Jehová kipatlaj tlen kineltokayaj? (th tlamachtijli 17).

MATINEMIKAN KEN CRISTO

Tlakuikajli 76

7. Tlen uelis nenkichiuaskej ijkuak nemomachtiskej ken familia

(15 mins.) Tlen san sekan tomachtiskej.

Yejuin familia nomajmachtiaj tlakuikaltin.

Yejuin familia kitaj JW Broadcasting tlen kisa sejse metstli.

Nantli niman imichpoch kiteititiaj tlen ueliskia panos.

Ijkuak nenueyichiuaskej toTajtsin ken familia, xkinpaleuikan nemokoneuan makipatiojkaitakan ken Jehová kinmachtia niman ken kinyektlalia (Ef 6:4). Melak noneki xmokojtilikan para uelis nemomachtiskej. Xnoneki melak ouijtika yes tlen nemomachtiskej para ijkon xkintlatsiuitis nemokoneuan, niman más tla kemach kinektokej nomachtiskej Biblia (Jn 6:27; 1Pe 2:2). Xkijto seki tlen onka ipan recuadro “Tlen uelis nenkichiuaskej ijkuak nemomachtiskej ken familia”. Ipan yejuin recuadro tatajtin uelis kitaskej tlenon uelis kichiuaskej niman ijkon infamilia makuelitakan ijkuak nomachtiskej. Sakin xnankilikan yejuin:

¿Katlejua tikuelitaskia tikchiuas tlen nikan uajnestiuj?

Motlanankilil
¿Okse itlaj nenkichiujtokej tlen noijki yomechpaleui?

Motlanankilil

TLEN UELIS NENKICHIUASKEJ IJKUAK NEMOMACHTISKEJ KEN FAMILIA

BIBLIA

Xpouakan Biblia tlen noitas ipan yejon semana niman xmoxejxelouilikan tlaxeloltin. Tla ipan Biblia miyekej tlajtouaj, cada se makipoua akin ompa noteneua.
Xkijkuilo tlen uelis nenkitejtemoskej itech seki tlaxeloltin tlen nopouaskej ipan yejon semana. Xkimijli mofamilia makitlapejpenikan katlejua kinekij kitejtemoskej. Sakin xkijtokan tlen onenkinextijkej.
Itlaj xtetlajtolti noso xteneua itlaj tlen ueliskia nenkixnamikiskej, niman xtejtemokan textos tlen mechpaleuis ipan amatlajkuilojli Textos bíblicos para la vida cristiana.
Xchiuakan se tlamauisojli ijkon ken ipan Biblia noteneua.
Xkijkuilokan se tlaxelojli itech Biblia ipan se tarjeta niman xtsontekontlalikan (uelis nenkijkuiloskej se texto tlen uajnestiuj ipan apéndice 1 itech folleto Xtetlasojtla). Nochi semanas oksejpa xkimitakan tarjetas tlen yonenkichijchiujkej.
Xmomachtikan seki tlen onka ipan amoxtli ¡Nochipa uelis tiyolpakis!
Xkijli se mochanejkauj manomachti se tlamachtijli tlen onka ipan sección “Tlen miyekej notlajtoltiaj itech Biblia” tlen onka ipan “TLAMACHTILTIN ITECH BIBLIA” ipan jw.org, niman mamechijli tlen okasikamat.

TLANECHIKOJLI

Seki xmomachtikan tlen noitas ipan tlanechikojli.
Xmomajmachtikan ken nentlanankiliskej niman xkitakan kech tiempo nenkichiuaj.
Xmomajmachtikan tlakuikaltin.
Xnemilikan kenon uelis yakaj nenkiyolchikauaskej ipan tlanechikojli niman xmomajmachtikan tlen nenkijliskej.
Tla se mochanejkauj kipanoltis se tlamachtijli, uelis nemixpan nomajmachtis.

TENOJNOTSALISTLI

Xmomajmachtikan kenon uelis nentenojnotsaskej techajchan.
Xmomajmachtikan kenon uelis oksejpa nemonteitaskej.
Xnemilikan kenon uelis yakaj nenkinojnotsaskej ijkuak nenkistinemiskej ipan ojtli niman xmomajmachtikan.
Xkijtokan tlenon nenkuelitaskiaj nenkichiuaskej para más nentenojnotsaskej ijkuak nopanoltis Conmemoración noso ijkuak nenkipiyaskej vacaciones.

TLEN MECHPALEUIS KEN FAMILIA

Xkijtokan tlen yonenkixnamijkej noso tlen ueliskia nenkixnamikiskej. Uelis nenkinemiliskej tlenon nenkichiuaskej tla mechijliaj xmokalaktikan ipan política noso xpanoltikan se iluitl. Noso tlenon uelis kichiuaskej nemokoneuan tla san tlemach kinchiuiliaj escuela.
Aman nemokoneuan makichiuakan tlen nemejuamej nenkichiuayaj. Yejuamej makitakan tlen nemomachtiskej niman sakin mamechijlikan tlen onomachtijkej.

OKSEKI TLEN UELIS NENKICHIUASKEJ

Xkitakan JW Broadcasting^® tlen kisa sejse metstli niman xkijtokan tlen onenkuelitakej.
Xkitakan se tlamachtijli noso se video tlen onka ipan jw.org niman itech xtlajtokan.
Xkitakan sección tlen itoka “Telpokamej niman ichpokamej” noso “Kokonej” tlen onka ipan “TLAMACHTILTIN ITECH BIBLIA” ipan jw.org.
Xkitakan tlen onenkijkuilojkej ipan ueyi tlanechikojli.
Xkitakan noso xmomachtikan tlen okichijchiuj Jehová, niman xkijtokan tlenon mechmachtia itech.
Xkijlikan se tokniuj nemouan manomachtiti, niman xtlajtoltikan kenon okixmat Jehová niman tlenon yokixnamik.
Xkijtokan tlenon nenkuelitaskiaj nenkichiuaskej ipan ikalpan Jehová niman xnemilikan tlenon mechpaleuis ijkon xchiuakan.
Uelis nenkichijchiuaskej tlen kiteneua Biblia, ken se pitentsin akajli tlen okichijchiuj Noé, noso se mapa noso se tlaixkopinajli tlen mamechpaleui xkasikamatikan tlen opanok.

Xtlali VIDEO Nochipa xyolpakikan ijkuak nenkueyichiuaskej toTajtsin ken familia. Sakin xtetlajtolti:

¿Tlenon uelis kichiuas se teueuentsin niman ijkon isiuauj oksejpa mayolpaki ijkuak nomachtiskej ken familia maski inkoneuan xok imiuan chantij?

Motlanankilil

8. Tlamachtijli itech Biblia iuan tlanechikojli

(30 mins.) bt cap. 13 párrs. 17-24.