Kuajli matikintekitiltikan tlaixkopinaltin

Toamatlajkuiloluan kinpiya melak miyek tlaixkopinaltin tlen techpaleuiyaj matikilnamikikan tlen más noneki. ¿Tlenon uelis tikchiuas niman ijkon más kuajli tikintekitiltis?

• Xkimita tlaixkopinaltin achto tipeuas tikamapouas se tlamachtijli. Tla kachtopa tikimita, kanaj más tiknekis tikamapouas, ijkon ken ijkuak tikitaj se tlakuajli niman más peua tijkuasnekij. Kuakon, achto peuas timomachtis xmotlajtolti: “¿Tlenon nikita?” (Amós 7:​7, 8).

• Ijkuak tikamapouas se tlamachtijli, xnemili tleka ompa onotlali yejon tlaixkopinajli. Tla ipan yejon tlaixkopinajli itlaj ijkuiliujtok, xpoua tlen ompa kijtoua. Xkajsikamati kenijki yejon tlaixkopinajli notlajtolnamiki iuan tlen timomachtijtika niman xkita tlenon tiueli.

• Ijkuak yotitlan tikamapoua se tlamachtijli, oksejpa xkimita tlaixkopinaltin niman ijkon tikilnamikis tlen más ueyi kijtosneki. Sakin, xijkopi niman xyejyeko xkimilnamiki tlaixkopinaltin niman tlen omitsuelitijkej.

• Xkimita tlaixkopinaltin tlen kinpiya yejuin amatlajkuilojli niman xkita kech tikilnamiki itech tlen otiuel ipan tlamachtiltin.