Tlen kipiya

¿Miyek tlen yotikijli Jehová tikchiuas? ¿Tikchiujtika nochi tlen tiueli niman ijkon tikchiuas motlajtol? ¿Tikchiujtokej tlen otikijtokej ijkuak otosentemakakej itech toTajtsin noso ijkuak otonamiktijkej? Ipan yejuin tlamachtijli, tomachtiskej kuajli ineskayo Jefté niman Ana akin okichiujkej intlajtol. Yejuin uelis techpaleuis noijki tikchiuaskej totlajtol tlen yotikijlikej toTajtsin.

Miyekpa titlanemiliaj itech tlen Jehová techmakas ipan Xochitlalpan. San ika, ipan yejuin tlamachtijli, tikitaskej naui tlemach tlen Jehová kipopolos niman ijkon kichiuas maonia yolseuilistli niman pakilistli ipan tlaltikpaktli. Yejuin tlamachtijli kichikauas totlaneltokil niman techyolchikauas matitlaxikokan.

Ijkuak tiknemiliaj ika topan yonochiuj noso tikitaj itlaj tlen xkinamiki, notlatlata totlaneltokil, toyolyemanilis niman toyolmelaujkanemilis. Ipan yejuin tlamachtiltin tikitaskej yeyi neskayomej tlen uajlauej ipan Biblia tlen techpaleuiskej matikixkopinakan ken Jehová kita melajkayotl.

Maski Jehová xtlaj kipoloua tlen uelis tikmakaskej, yejua paki ijkuak ika tochikauaj tikpaleuiskej itlayekanalis. Ipan tlaxelojli ueyi 4 niman tlaxelojli 5, tikitaskej ika Jehová kitlasojkaita ijkuak totemakaj ika nochi toyojlo tiktekichiuiliskej niman tiktlakamatiskej.