¿Ajsis se tonajli ijkuak xok nochikoitalos? | ¿Tlenon kijtoua Biblia?

Miyekej kinemiliaj ika xkeman ajsis tonajli ijkuak xok yakaj techikoitas.

• “Ipan nochi tlaltikpaktli, mojmostla melak nochikoitalo maski nemij ipan sa no yejua organización noso ipan grupo social. Niman pampa nochikoitalo, miyekej xkuajli nouikaj” (António Guterres, secretario general de las Naciones Unidas).

¿Ajsis tonajli ijkuak xok nochikoitalos? ¿Tlenon kijtoua Biblia?

Ken toTajtsin kimita tlaltikpakchanejkej

Biblia kijtoua kenon toTajtsin kimita tlaltikpakchanejkej.

• “[ToTajtsin] okixtij itech san se tlakatl nochi kech tlakamej nemij ipan in países yejuan onokej imanian in tlaltikpaktli” (Hechos 17:26).

• “Dios xkichikoita se tlakatl iuan okse, yej kiselia san akinon yejuan kitlakaita niman kuajli nouika maski ualeua san katlejua país” (Hechos 10:34, 35).

Biblia kijtoua ika tinochimej tikniujtin niman ika toTajtsin tinochimej techselia maski san katlejua país matiualeuakan.

Tlen uelis tepaleuis maka sa manochikoitalo

ITekiuajyo toTajtsin, tlen onka ne iluikak, kichiuas maka sa manochikoitalo. Yejuin gobierno kinmachtis tlaltikpakchanejkej kuajli manouikakan niman kenon uelis xok techikoitaskej.

• “On tlaltikpaktlakamej, yejuamej kixmatiskej on tlen melajki” (Isaías 26:9).

• “Pampa nochimej nouikaskej ipan yolmelajkilistli, onyas yoseuilistli, niman inyolika nemiskej para nochipa” (Isaías 32:17).

Aman, melak miyekej tlaltikpakchanejkej nomachtijtokej ipan Biblia kenon tetlakaitaskej.

• Tla okseki tikneki tikmatis, xpoua revista ¡Xtlachiakan! tlen itoka “¿Kemanon xok titechikoitaskej?”.

• Tla tikneki tikmatis kenon tatajtin uelis kimijliskej inkoneuan ika xnoneki techikoitaskej, xpoua tlamachtijli tlen itoka “¿Cómo hablar con sus hijos sobre el racismo?”.