Guerra ne Israel niman países tlen nisiuj onokej | ¿Tlenon kijtoua Biblia?

Melak miyekej kimajmana ijkuak kitaj ika Estados Unidos, Israel niman Irán noixnamikij. ¿Yejuin kichiuas maonia se ueyi guerra? ¿Gobiernos uelis kiteltiskej yejuin tlauejli niman kichiuaskej matiyolsejtokan?

Akin kimixmatij teotlajtoltin tlen uajlauej ipan Biblia kanaj notlajtoltiaj tla tlen panotika kipeualtis guerra de Armagedón tlen noteneua ipan Apocalipsis.

¿Tlenon kijtoua Biblia?

¿Gobiernos uelis kiteltiskej tlauejli tlen nochijtika ne Israel niman países tlen nisiuj onokej?

Biblia kijtoua: “Maka xtlali moyojlo intech on tlakamej yejuan uejueyixtokej, pampa on san tlakamej yejuan xuelij temakixtiaj” (Salmo 146:3).

Sakin noitas tla gobiernos uelis kichiuaskej achijtsin mayolsejtokan akin chantij ne Israel niman países tlen nisiuj onokej. Pero Biblia kuajli kijtoua ika nion se político, gobierno noso se grupo uelis kipopolos guerra niman kichiuas nochipa matiyolsejtokan. San toTajtsin uelis kichiuas ika “nochiuiyan ipan in tlaltikpaktli maka ma onyaj guerras” (Salmo 46:9).

• Tla okseki tikneki tikmatis, xleero Amatl Tekakistilijketl tlen itoka “¿Akinon kinteltis guerras?”.

Tlauejli tlen aman panotika ne Israel niman países tlen nisiuj onokej, ¿kichijtika manochiua se teotlajtojli?

Biblia kijtoua: “Nemejuamej nenkikakiskej ika miyekan onka guerra. […] Se pueblo noixnamikis iuan okse pueblo niman se país iuan okse país” (Mateo 24:6, 7).

Tlen nochijtika ne Israel niman países tlen nisiuj onokej noijki kiteititia ika yetlamis “nochi tlen aman onka” niman ika tinemij “ipan itlamiyan tonaltin” (Mateo 24:3; 2 Timoteo 3:1). Guerras tlen aman tikimitaj kiteititiaj ika sa achijtsin poliui para toTajtsin kinpopolos nochi guerras niman nochi tlen techtlajyouiltia.

• Tla okseki tikneki tikmatis, xleero artículo “¿Cuál es la señal de “los últimos días” o “los tiempos finales”?”.

¿Armagedón peuas ne Israel niman países tlen nisiuj onokej?

Biblia kijtoua: “On yeyimej xkuajkualtin espíritus okinsentlalijkej on reyes ne kampa ikan tlajtojli hebreo itoka Armagedón” (Apocalipsis 16:16).

Guerra de Armagedón xse guerra tlen gobiernos kipeualtiaj ne Israel niman países tlen nisiuj onokej. Yejuin se guerra tlen nochiua ipan nochi mundo, kampa nochimej gobiernos noixnamikij iuan toTajtsin.

• Tla okseki tikneki tikmatis, xleero artículo “¿Tlenon kijtosneki Armagedón?”.

¿Tlenon uelis techpaleuis maka melak matajmankamikikan?

Biblia kijtoua: “Maka melak xmajmanakan. Ijkuak itlaj nenkixnamikiskej, miyekpa xchiuakan oración niman xtlasojkamachilikan toTajtsin. Xkijlikan tlenon mechpoloua” (Filipenses 4:6).

ToTajtsin Jehováa kineki matikchiuilikan oración. ToTajtsin najmana topampa, yejua ika, kinkakis tooraciones niman techpaleuis maka melak matajmankamikikan (1 Pedro 5:7). Ijkon tikijtouaj pampa xsan techpaleuiya matikasikamatikan tleka onokej guerras, yejua noijki techijlia kenon kinpopolos niman kichiuas maka sa matitlajyouikan (Apocalipsis 21:3, 4).

• Tla okseki tikneki tikmatis, xleero artículo “¿Puedo encontrar consuelo en la Biblia?”.