KENON XOK SAJNOYE TIAJMANKAMIKIS
¿Tiajmankamiki?
“Tinochimej tiajmankamikij, san ika, nejua sajnoye najmankamiki. Niman xsan ipampa se tlauejli, miyek tlen nikixnamiki. Melak youejkauj ika niktlajpixtok noueuentsin pampa kualo ipan itlamachilis niman ipan itlalnakayo” (Julia).a
“Nosiuauj onechkauj, niman san noselti ononek nikimiskaltis omemej nokoneuan. Onikmachili melak ouijtika. Niman xsan yejon, noijki onechkixtijkej kampa nitekiti niman xnikpiaya tomin tlen ika nikyektlalis nocarro. Xnikmatiya tlenon nikchiuas. Melak najmankamikiya. Nikmatstoya ika xkuajli tla san nejua ninomiktiskia, ika yejon, niktlajtlaniliaya toTajtsin manechkixtili nonemilis” (Barry).
Ijkon ken Julia niman Barry, ¿kemantika yotikmachili ika xok titlaxikoua? Tla ijkon mopan yonochiujka, yejuin revista mitspaleuis niman mitsyolseuis, pampa techijlia tleka tiajmankamikij, kenon techijtlakoua niman kenon uelis tikixnamikiskej.
a Tokayomej yonopatlakej.