4. ¿Otexchijchiuj toTajtsin pampa kinekiya matitlajyouikan?
¿Tleka melak noneki matikmatikan?
Pampa yejon techpaleuiya matikpatiojkaitakan tonemilis
San xkonnemili yejuin
¿Tleka toTajtsin kichijchiuaskia se kualtsin tlaltikpaktli tla akin ipan chantiskiaj san tlajyouiskiaj?
Pampa melak titlajyouiyaj sekimej akin xtlaneltokaj kijtouaj tleka otexchijchiuj toTajtsin noso sekimej kijtouaj ika nion xnemi toTajtsin. Kinemiliaj ika ijkuak titlajyouiyaj kiteititia yejuin: 1) ika toTajtsin xueli kipopoloua tlen techtlajyouiltia, 2) ika xkineki kipopolos noso 3) ika xnemi toTajtsin.
San ika, ¿itlaj okse uelis tiknemiliskej?
TLA OKSEKI TIKMATISNEKI
Xkita video ¿Kenon tikmatij ika melauak tlen kijtoua Biblia?, tlen onka ipan jw.org.
Tlen Biblia kijtoua
ToTajtsin xotexchijchiuj para matitlajyouikan
Yejua kineki matiyolpakikan.
“Yejua ika, nejua nikmatstika ika sen tlakatl sanoyej kuajli kichiuas tla nopaktis niman kuajli nouikas ipan inemilis. Tla ijkon tej, ijkuak titlakuaj niman tiatlitiuij niman tikseliaj on tlen kuajli de on totekiu, on kuajli pampa Dios yejua otechmakak” (ECLESIASTÉS 3:12, 13).
Ijkuak toTajtsin okichijchiuj Adán iuan Eva xonkatka tlajtlakojli
ToTajtsin xkinekiya ika yejuamej niman inkoneuan matlajyouikan.
“Dios okintiochiu ika in tlajtojli: ‘[...] Xkimpiyakan miyekej nemokoneuan. Xtemiltikan in tlaltikpaktli, niman xkinmomaktikan on michimej, niman on yolkej yejuan patlanij, niman nochi kech yolkej yejuan noteuilanaj’” (GÉNESIS 1:28).
Kachtopa tlakatl niman siuatl xokitlakamatkej toTajtsin
Pampa xotetlakamatkej, yejuamej niman inkoneuan opeujkej tlajyouiyaj.
“Ipan in tlaltikpaktli on achtoj tlakatl otlajtlakoj niman ipampa on tlajtlakojli onkaj mikilistli. Yejua ika nochimej mikiskej pampa nochimej tlajtlakouaj” (ROMANOS 5:12).a
ToTajtsin xotexchijchiuj niman ijkon sa no tejuamej matoyekanakan
Ijkon ken xotexchijchiujkej para matinemikan ijtik atl, noijki xotexchijchiujkej para sa no tejuamej matoyekanakan.
“Sen tlakatl xiyaxka inemilis, niman xejua kichiua tlinon ipan nochiuas inemilis” (JEREMÍAS 10:23).
ToTajtsin xkineki matitlajyouikan
Yejua techijlia kenon tinemiskej niman ijkon xmás titlajyouiskej.
“Tla nemejuamej nenkitlakamatiskiaj notlanauatiluan, sanoyej kuajli nennemiskiaj kenon ayajtok yejuan xkaman uaki” (ISAÍAS 48:18).
a Biblia kiteneua tlajtlakojli xsan ijkuak yakaj kichiua tlen xkuajli, noijki kitekitiltia ijkuak tlajtoua itech tlajtlakojli tlen otechpanoltilijkej.