Xteititi ika titetlasojtla
Tlen kichiua matitechikoitakan
Ijkuak titechikoitaj, xnimantsin popoliui tlen tikmachiliaj. Ijkuak tikualoj, noneki tiempo niman noneki miyek tikchiuaskej niman ijkon kuajli tipajtiskej. Niman noijki ijkon noneki tikchiuaskej tla xok tiknekij titechikoitaskej. ¿Tlenon uelis tikchiuaskej niman ijkon xok titechikoitaskej?
Tlen kijtoua Biblia
“Xmotlakentikan ika tlasojtlalistli, pampa yejuin kichiua san sekan xnemikan” (COLOSENSES 3:14, TNM).
¿Tlenon kijtosneki? Tla tikinpaleuiyaj oksekimej, kichiuas san sekan matinemikan. Tla tikimititiaj oksekimej ika tikintlasojtlaj, xmás tikinchikoitaskej niman ipan toyojlo xok tikmachilis ika tikintlauelita.
Tlen uelis tikchiuas
Xnemili kenon uelis tikimititis akin nemij ipan se grupo ika tikintlasojtla maski xtikuelita tlen kichiuaj. Xnoneki tikchiuas itlaj tlen melak ouijtika. Uelis tikchiuas yejuin:
Tla tikimititiaj ika tikintlasojtlaj, ajsis tonajli ijkuak xok tikinchikoitaskej.
Xkimititi ika tikintlakaita. Xkintlatlapouili noso xkimijli manotlalikan kampa tejua timotlalijtiaya.
Xkintlajpalo niman xkinnotsa maski okse tlajtojli tlajtouaj.
Xkimijyoui ijkuak kichiuaskej itlaj tlen tejua xtikasikamati.
Kuajli xkinkaki ijkuak mitsijliskej tlen kixnamiktokej niman xkinmasikamati.