Tlamachtijli 15

Matikimpaleuikan oksekimej makichiuakan tlen toTajtsin kineki

¿Tleka noneki titenojnotsas itech tlen timomachtijtika? (1)

¿Akinon uelis tikiminkakistilis yejuin kuajli tlajtoltin? (2)

¿Kenon uelis kimpaleuis oksekimej tla kuajli tlen tikchiua? (2)

¿Kemanon uelis titenojnotsas imiuan akin timosentlalia? (3)

1. Tejua yotiuel miyek tlen kuajli itech Biblia. Yejuin tlaixmatilistli mitspaleuis xchiua ken Cristo okichiuj (Efesios 4:22-24). Niman noijki, yejuin tlaixmatilistli noneki tikpiyas pampa, mitspaleuis xseli nemilistli tlen xkeman tlamis (Juan 17:3). San ika, noijki oksekimej noneki kikakiskej yejuin kuajli tlajtoltin niman ijkon uelis makisaskej. Nochimej akin yemelak kichiuaj ken Cristo kipiya ika tenojnotsaskej. Yejon se itlanauatil toTajtsin (Romanos 10:10; 1 Corintios 9:16; 1 Timoteo 4:16).

2. Uelis tipeuas tikiminkakistilis nochimej tlen kuajli timomachtijtika. Xkimijli mochanejkauan, akin imiuan timouika, timomachtia niman akin imiuan titekiti. San kuajli xkimijli niman maka imiuan xmokamauisoki (2 Timoteo 2:24, 25). Xkilnamiki ika xkikakij tlen tikijtoa, niman kema nimantsin kitaj tlenon tikchiua. Ika on, tla kuajli tlen tikchiua uelis kikakiskej tlen tikimijlia (1 Pedro 2:12; 3:1, 2, 16).

3. Sakin, uelis tikchiuas tlen notlajtlani niman uelis tipeuas titenojnotsas iuan iteixpantijkauan Jehová akin imiuan timosentlalia. Ijkon tikteititis ika tikneki tikchiuas tlen Jehová kineki (Mateo 24:14). ¡Melak kualtsin tla tejua ueliskia yakaj tikpaleuis manochiua itekitijkauj Jehová, niman makiseli nemilistli tlen xkeman tlamis! (1 Tesalonicenses 2:19, 20).