Tlamachtijli 16

Xmotemaka itech toTajtsin niman xmoapolakti

¿Tlenon noneki tikchiuas niman ijkon uelis iuan timouikas toTajtsin? (1, 2)

¿Tlenon kijtosneki timotemakas itech toTajtsin? (1)

¿Kemanon kipiya ika timoapolaktis? (2)

¿Kenon uelis tikpiyas yolchikaualistli niman ijkon xtijkauas toTajtsin? (3)

1. Tla tikneki iuan timouikas toTajtsin, noneki tikpiyas tlaixmatilistli tlen ualeua itech Biblia (1 Timoteo 2:3, 4), tikneltokas itech tlen yotimomachti (Hebreos 11:6), xmoyolkuepa itech tlen xkuajli yotikchiuj (Hechos 17:30, 31) niman tijkauas tlen achtopa tikchiuaya (Hechos 3:19). Sakin, motlasojtlalis tlen tikpiya itech toTajtsin mitsmapeuas itech xmotemaka. Yejon kijtosneki ika, san moselti, ipan se teoyotl tikijlis toTajtsin ika timotemaka itech, niman tikchiuas tlen yejua kineki (Mateo 16:24; 22:37).

2. Tla tejua yotimomachti iTlajtol toTajtsin niman yotimotemakak itech, kuakon noneki timoapolaktis (Mateo 28:19, 20). Tla timoapolaktia tikteititia ika tejua yotimotemakak itech Jehová. Ika on, san noapolaktiaj akin yeuejueyimej, kimatstokej tlenon kijtosneki tiktekichiuilis toTajtsin. Ijkuak se noapolaktia, nochi inakayo kipiya ika kipolaktiskej achijtsin ipan atl a (Marcos 1:9, 10; Hechos 8:36).

3. Tla yotimotemakak, Jehová kichia xnemi noso xchiua ken iuan yotimokauj (Salmo 50:14; Eclesiastés 5:4, 5). Diablo kiyejyekos maka sa xtekichuili Jehová (1 Pedro 5:8). Kuakon xnisiui toTajtsin ika teoyotl (Filipenses 4:6, 7). Xmomachti iTlajtol toTajtsin mojmostla (Salmo 1:1-3). Maka xkintlalkaui akin iuan timosentlalia (Hebreos 13:17). Tla tikchiua nochi yejuin, tiknextis yolchikaualistli tlen mitspaleuis maka xkaua toTajtsin. Uelis tikchiuas tlen toTajtsin kineki iyeka.

[Notas]