¿Tleka omik Jesús?

Pampa omik Jesús, aman uelis tinemiskej nochipa (Juan 3:16)

Ijkuak yopanok yeyi tonajli ika omik Jesús, sekimej siuamej otlachiatoj kampa okitokakej niman xtlaj okinextijkej. Jehová yokiyolitijka Jesús.

Sakin Jesús onoteititi ixpan itlatitlankauan.

Kema, Jehová yokiyolitijka Jesús kentla se iluikaktekitketl melak kojtik, akin xok keman uelis mikis. Inomachtijkauan Jesús okitakej kenon oyaj iluikak.

ToTajtsin okiyoliti Jesús niman okitlali kentla tekiuaj itech iTekiuajyo (Daniel 7:​13, 14)

Jesús okitemakak inemilis niman ijkon okinmakixti tlaltikpakchanejkej itech tlajtlakojli (Mateo 20:​28). Ika yejon tlaxtlauijli, toTajtsin uelis techmakas nemilistli tlen xkeman tlamis.

Jehová okitlali Jesús kentla tekiuaj niman ijkon matlanauati ipan nochi tlaltikpaktli. Tekiuajtis imiuan 144,000 tlaltikpakchanejkej yolmelaujkej, akin onnemiskej iluikak ijkuak yoliuiskej. Itech iTekiuajyo toTajtsin nemiskej iuan Jesús 144,000. Tlanauatiskej itech ne iluikak ika melajkayotl ipan tlaltikpaktli (Apocalipsis [Revelación] 14:​1-3).

ToTajtsin iTekiuajyo kichiuas maonia se xochitlalpan ipan tlaltikpaktli. Xok onias guerras, apistli niman xok nochiuas tlen xkuajli. Tlaltikpakchanejkej yemelak nemiskej ika inyojlo (Salmo 145:​16).