¿Yejkos tonajli ijkuak xok titlajyouiskej?

¿Tiknemilia ika...

... kema yejkos?
... xkeman yejkos?
... kanaj kema yejkos?

TLEN BIBLIA KIJTOUA

“Dios [kipopolos] nochi ajmantli, niman xok onyas mikilistli, nion chokistli, [...] nion kokolistli.” (Apocalipsis [Revelación] 21:4, In Yencuic Iyectlajtoltzin Dios ican Náhuatl de Guerrero.)

KENON TECHPALEUIS MATIKMATIKAN

Techpaleuis matikasikamatikan ika toTajtsin xkichiua matitlajyouikan (Santiago 1:13).

Techyolseuis tikmatiskej ika noijki toTajtsin kajmana tlen techtlajyouiltia (Zacarías 2:8).

Tikneltokaskej ika yemelak popoliuis nochi tlen techtlajyouiltia (Salmo 37:9-11).

Se tlakatl kipoujtika Biblia niman tlanemilijtika ika xok onias tlajyouilistli niman tlemach tlen xkuajli nochiua ipan tlaltikpaktli

¿YEMELAK UELIS TIKNELTOKASKEJ TLEN BIBLIA KIJTOUA?

Kema, matikitakan san ome:

ToTajtsin kitlauelita tlajyouilistli niman nochi tlen melak xkuajli. ¿Kenon onomachili toTajtsin ijkuak israelitas, akin yeuejkaui okitekichiuilijkej, melak okintlajyouiltijkej? Biblia kijtoua ika toTajtsin melak okiyolkoko ijkuak oksekimej países kintlajyouiltiayaj israelitas (Jueces 2:18).

Akin tetlajyouiltiaj xkiyolpaktiaj toTajtsin. Ipan Biblia kijtoua ika melak kintlauelita akin temiktiaj (Proverbios 6:16, 17).
ToTajtsin najmana ipampa nochimej. Xsan tejua tikmatstika tlenon yemelak mitsyolkokoua niman mitstlajyouiltia, noijki toTajtsin Jehová kuajli kimatstika (2 Crónicas 6:29, 30).

Sa achijtsin poliui ijkuak iTekiuajyo toTajtsin kipopolos nochi tlen techtlajyouiltia (Mateo 6:9, 10). San ika, ipan yejuin tonajli, kualtsin kinyolseuia nochimej akin yemelak kitejtemouaj (Hechos 17:27; 2 Corintios 1:3, 4).

XMOTLAJTOLTI

¿Tleka kikauilia toTajtsin maonia tlajyouilistli?

Tiknextis kenon Biblia mitsnankilis ipan ROMANOS 5:12 niman 2 PEDRO 3:9.