¿Uelis yoliuiskej akin yomijkej?

TLEN BIBLIA KIJTOUA

“[Akin yomijkej] yoliuiskej.” (Hechos 24:​15, In Yencuic Iyectlajtoltzin Dios ican Náhuatl de Guerrero.)

KENON TECHPALEUIS MATIKMATIKAN

Techyolseuis ijkuak mikis se tochanejkauj (2 Corintios 1:​3, 4).

Xok tikmakasiskej mikilistli ijkon ken aman melak tikmakasij (Hebreos 2:​15).

Yemelak tikneltokaskej ika oksejpa tikimitaskej akin tikintlasojtlaj (Juan 5:​28, 29).

¿YEMELAK UELIS TIKNELTOKASKEJ TLEN BIBLIA KIJTOUA?

Kema, matikitakan san yeyi:

• ToTajtsin otechmakak tonemilis. Biblia kijtoua ika Jehová “otechmakak [...] tonemilis” (Hechos 17:​24, 25; Salmo 36:9). Tla toTajtsin okimakak nemilistli nochi tlen yoltok, kuakon, uelis kinyolitis akin yomijkej.

• Yeuejkaui toTajtsin okinyoliti akin yomijkaj. Biblia kinteneua chikueyimej tlaltikpakchanejkej akin okinyolitijkej. Yejuin siuamej niman tlakamej, kokonej niman uejueyimej, oksejpa onenkej ipan tlaltikpaktli. Sekimej okinyolitijkej ijkuak san kemach omijkaj; san ika, se tlakatl okiyolitijkej ijkuak yopanoka naui tonajli ika yomijka (Juan 11:​39-​44).

• ToTajtsin melak kineki kinyolitis akin yomijkej. Jehová melak kitlauelita mikilistli pampa kita kentla itlauelikniuj (1 Corintios 15:​26). Melak kineki kipopolos yejuin itlauelikniuj niman kichiuas ijkuak kinyolitis akin yomijkej. Jehová kineki oksejpa manemikan ipan tlaltikpaktli akin xkimilkaua (Job 14:​14, 15).