Itech tlen tlajtos sección 11

Ipan yejuin sección tlajtoua itech Tlajkuiloltin ika griego. Jesús onemiko ipan se familia kampa xmiyek kipiayaj tomin niman chantiya ipan se pitentsin kalpan. Yejua otekit iuan itaj akin katka kojxinketl. Jesús yeskia akin kinmakixtiskia tlaltikpakchanejkej. Jehová okitlapejpeni ken Tekiuaj itech iTekiuajyo tlen onka ipan iluikak. Tla tikinpiya mokoneuan, xkinpaleui makasikamatikan ika Jehová kuajli okitlapejpeni familia kampa Jesús noskaltiskia ika iyojlo niman kampa inuan nemiskia akin kitlasojtlaj toTajtsin. Xkintomili kenon Jehová okimakixti Jesús ijkuak Herodes kinekiya kimiktis. Noijki ika xtlaj uelis kiteltis tlen Jehová kineki manochiua. Xkinmachti kenon Jehová okitlapejpeni Juan matenojnotsa itech Jesús. Kuajli xkimititi kenon Jesús maski san konetl katka kitlasojtlaya itlayekanalis Jehová.