TLAMACHTIJLI 15

Xteititi ika tikneltoka tlen tikijtoua

1 Tesalonicenses 1:5

TLEN TIUELIS: Xteititi ika yemelak tikneltoka tlen tikijtoua niman ika tlen tikinmachtijtika akin mitskaktokej melak ueyi kijtosneki.

Melak kuajli xmoyektlali. Xmomachti tlen ika titemachtis hasta ijkuak kuajli tikasikamatis tlamachtiltin tlen ueyi kijtosnekij, niman xkita ika yejon tlen temachtia Biblia. Ipan motlamachtil xyejyeko tikintekitiltis tlajtoltin tlen nimantsin nasikamatij, niman noijki san achijtsin tlajtoltin xkinkui. Xnemili kenon kinpaleuis tlen tikimijlis akin mitskakiskej. Xtlajtlanili Jehová mamitsmaka iespíritu santo.

Makakisti motlajtol ijkuak timomajmachtis, ijkon xtikimilkauas tlajtoltin tlen ueyi kijtosnekij niman kuajli kisas motlamachtil.
Xkintekitilti tlajtoltin tlen kiteititiskej ika tikneltoka tlen tikijtoua. Tlen tikijtos makisa ipan moyojlo niman maka xkijto tlen san ompa nestika. Xtekitilti tlajtoltin tlen makiteititi ika kuajli tikmatstika tlen tikijtoua.
Xteititi ika tikneltoka tlen tikijtoua niman ika kisa ipan moyojlo. Xtlajto chikauak niman ijkon nochimej mitskakiskej. Kampa xakaj kiyolkokos, xkimita imixko akin mitskaktokej.

Xkilnamiki ika tikijtos tlen tikneltoka xkijtosneki titeixkoijlis ijkuak titlajtos nion timoueyimatis. Ijkuak titlajtos xteititi ika tikneltoka tlen tikijtoua, san ika, xchiua ika tlasojtlalistli.