TLAMACHTIJLI 17

Manasikamati tlen tikijtoua

1 Corintios 14:9

TLEN TIUELIS: Xkinpaleui akin mitskaktokej ika makasikamatikan tlen tikimijlitikaj.

Kuajli xmomachti tlen tikteijlis. Noneki kuajli tikasikamatis itech tlen titlajtos pampa ijkon tiuelis xouijtika tiktetomilis niman tlen tikijtos kisas ipan moyojlo.
Nimantsin manasikamati tlen tikijtoua niman maka xueyakili tlen tikijtoua. Ijkuak tiktetomilis tlen tikneki manasikamati, maka xueyakili tlen tikijtoua, xtetomili ika achijtsin tlajtoltin.

Maka xkijto tlen xok noneki pampa uelis kinpopolos noso kinsiauitis akin mitskakiskej. Maka xkimijto tlajtoltin tlen xnimantsin nasikamatij. Kuajli tla tikintekitiltia tlajtoltin tlen xouijtika nasikamatiskej.
Xkintetomili tlajtoltin tlen xsajnoye noixmatij. Maka melak xkintekitilti niman xkilnamiki ika noneki tiktetomilis seki tlajtoltin tlen xsajnoye noixmatij, noijki akin Biblia kinteneua, tlen ika tlatemachiuayaj noso tlen yeuejkaui nochiuaya.