TLAMACHTIJLI 10
¿Tleka melak kuajli tla tiauj kampa nosentlaliaj iteixpantijkauan Jehová?
¿Yakaj yomitsijlijka xtlakakiti kampa nosentlaliaj iteixpantijkauan Jehová?a Kanaj achijtsin timomojtia tontlakakis pampa xkeman tiauj. Kanaj timotlajtoltia: “¿Tlenon kichiuaj iteixpantijkauan Jehová ijkuak nosentlaliaj? ¿Tleka nochipa nosentlaliaj? ¿Kenijki nechpaleuis tla niauj?”. Yejuin tlamachtijli mitspaleuis xkasikamati nochi yejuin.
1. ¿Tleka melak noneki matosentlalikan?
Se tlakatl akin okijkuilo Biblia okijto ika yejua nosentlaliaya imiuan itekipanojkauan toTajtsin pampa ompa konueyichiuaya Jehová (Salmo 26:12, TNM). Aman, iteixpantijkauan Jehová noijki nosentlaliaj nochi semanas, niman yejon melak kinyolpaktia. Ijkuak nosentlaliaj, tlakuikaj noso nokuikatiaj niman kichiuiliaj teoyotl toTajtsin. Onka seki tonaltin ijkuak más miyekej nosentlaliaj niman ijkon san sekan kiueyichiuaskej toTajtsin.
2. ¿Tlenon tonuelis tla tiauj kampa tosentlaliaj?
Ipan totlanechikoluan tomachtiaj iTlajtol toTajtsin niman kuajli techasikamachiltiaj tlen ompa kijtoua (xkita Nehemías 8:8). Tla tejua tiauj, más kuajli tikixmatis toTajtsin. Ijkuak tikitas kenijki yejua melak mitstlasojtla, más tiknekis iuan timouikas. Totlanechikoluan noijki mitspaleuiskej más xyolpaki (Isaías 48:17, 18).
3. ¿Tleka melak kuajli tla tikimixmati akin noijki yauej kampa tosentlaliaj?
Jehová techijlia nochipa matosentlalikan niman matikitakan “kenijki uelis tikinyoleuaskej oksekimej para ma notlajsojtlakan niman para ma kichiuakan on tlen kuajli” (Hebreos 10:24, 25). Tla tiauj kampa tosentlaliaj, tikimixmatis akin melauak notlasojtlaj niman akin kinekij nouikaskej iuan toTajtsin. Ompa uelis tijkakis kenijki Biblia uelis mitsyolchikauas (xkita Romanos 1:11, 12). Noijki, uelis titlajtos imiuan akin yokixikojkej tlen xkuajli. Jehová kineki xuiya kampa tikueyichiuaj pampa yejuin melak mitspaleuis.
OKSEKI XKASIKAMATI
Matikitakan tlenon nochiua kampa nosentlaliaj iteixpantijkauan Jehová niman tleka melak kuajli tla tiauj.
4. Tlen nochiua kampa nosentlaliaj iteixpantijkauan Jehová
Desde yeuejkaui, akin kichiuaj ken Cristo nosentlaliaj niman ijkon kiueyichiuaskej Jehová (Romanos 16:3-5). Xkitakan Colosenses 3:16 niman xtlajtokan itech yejuin:
¿Otikitak tlenon kichiuayaj itekipanojkauan toTajtsin ijkuak nosentlaliayaj?
Aman, iteixpantijkauan Jehová noijki san sekan nosentlaliaj niman ijkon kiueyichiuaskej toTajtsin. ¿Tlenon nochiua kampa yejuamej nosentlaliaj? Xkitakan VIDEO. Noijki xkimitakan tlaixkopinaltin niman xtlajtokan itech yejuin:
Ipan Colosenses 3:16 otikitakej tlenon kichiuayaj itekipanojkauan toTajtsin ijkuak nosentlaliayaj. ¿Otikitak tla iteixpantijkauan Jehová noijki ijkon kichiuaj?
¿Tlenon más otikuelitak itech tlen nochiua kampa nosentlaliaj iteixpantijkauan Jehová?
Xkitakan 2 Corintios 9:7 niman xtlajtokan itech yejuin:
¿Tleka xnotlajtlani tomin kampa nosentlaliaj iteixpantijkauan Jehová?
Xkijli akin mitsmachtia mamitsijli tlenon noitas ipan se tlanechikojli.
Itech nochi tlen ompa noitas, ¿tlenon más tikuelitaskia tikmatis?
¿Tikmatiya yejuin?
Ipan jw.org uelis tikitas kemanon niman kanon nosentlaliaj iteixpantijkauan Jehová.
Ipan totlanechikoluan nopanoltiaj tlamachtiltin niman videos. Noijki techititiaj kenijki titemachtiskej. Ijkuak peua totlanechikol, titlakuikaj niman tikchiuiliaj teoyotl toTajtsin. Noijki ijkon nochiua ijkuak tlami.
Ipan totlanechikoluan techtlajtoltiaj tla tiknekij tikijtoskej tlen yotikasikamatkej. San akinon uelis tlanankilis.
San akinon uelis yas: tlakamej, siuamej, ueuentsitsintin, kokonej...
Ipan totlanechikoluan xnotlajtlani tomin niman xnoneki itlaj tiktlaxtlauas.
5. Noneki timokojtilis niman ijkon tias tlanechikoltin
Sejse xiuitl, Jesús niman ifamilia yayaj teopan tlen onkatka Jerusalén niman ijkon konueyichiuaskej Jehová. Yejuamej chantiyaj Nazaret niman nonekiya nejnemiskej kanaj yeyi tonajli kampa tepeyoj niman ijkon ajsiskej Jerusalén. Xkitakan Lucas 2:39-42 niman xtlajtokan itech yejuin:
¿Tiknemilia ika Jesús niman ifamilia nonekiya nokojtiliskej niman ijkon yaskej Jerusalén?
Niman tejua, ¿tlenon tiknemilia noneki tikchiuas niman ijkon tias tlanechikoltin?
¿Tiknemilia ika mitspaleuis tla timokojtilia tias tlanechikoltin? ¿Tleka ijkon tiknemilia?
Biblia kijtoua ika melak noneki matosentlalikan niman ijkon tikueyichiuaskej Jehová. Xkitakan Hebreos 10:24, 25 niman xtlajtokan itech yejuin:
¿Tleka noneki nochipa tiaskej tlanechikoltin?
SEKIMEJ KIJTOUAJ: “Xnoneki kanaj tosentlaliskej niman ijkon tomachtiskej Biblia”.
¿Katlejua texto tikteititiskia niman ijkon titeasikamachiltis ika toTajtsin kema kineki matosentlalikan?
TLEN OTIUEL
Tla tiauj tlanechikoltin, más tikixmatis Jehová, más kuajli iuan timouikas niman uelis tikueyichiuas imiuan oksekimej.
¿Kenon titlanankiliskia?
¿Tleka Jehová kineki matiuiyan tlanechikoltin?
¿Tlenon tonuelis tla tiauj kampa nosentlaliaj iteixpantijkauan Jehová?
¿Tiknemilia ika mitspaleuis tla tiauj tlanechikoltin? ¿Tleka ijkon tiknemilia?
OKSEKI XKITA
¿Timomojtia tias tlanechikoltin? Se tlakatl akin ijkon nomachiliaya melak okinuelitak tlanechikoltin ijkuak otlakakito. Xkita tlenon opanok.
Se telpochtli melak kuelitaya yas tlanechikoltin. Xkita tlenon okichiuj niman ijkon nochipa yas.
Xkita tlen sekimej kijtouaj itech tlanechikoltin.
“¿Tleka melak kuajli tla niauj kampa nosentlaliaj iteixpantijkauan Jehová?” (Tlamachtijli de jw.org)
Xkita kenijki totlanechikoluan okipaleuijkej se tlakatl akin kichiuaya tlen xkuajli.
“Nochiuiyan nikitkitinemiya nopistola” (Amatl Tekakistilijketl, 1 de julio de 2014)
a Ijkuak tikijtouaj “iteixpantijkauan Jehová”, tikinteneujtokej “testigos de Jehová”.