Kuajli xnemili tlen tikijtos

Tlen okichiuj Pablo

VIDEO: Pablo okinnojnots akin chantiyaj Atenas

1. Xkita VIDEO noso xkamapoua Hechos 17:​22, 23. Tla ijkon yotikchiuj, aman xkinnankili yejuin:

1. ¿Kenijki onomachili Pablo ijkuak okitak ika ne Atenas melak miyekej tajtsitsintin kinpiayaj? (Xkita Hechos 17:16).

2. Maski Pablo xokuelitak tlen kineltokayaj akin chantiyaj Atenas, ¿kenijki okikuik yejon niman ijkon kinnojnotsas itech toTajtsin?

¿Tlenon tiuelij itech ken Pablo okichiuj?

2. Uelis más kuajli techkakiskej tla tiknemiliaj tlen tikijtouaj, kenijki tikijtouaj niman kemanon tikijtouaj.

Xchiua ken Pablo

3. Kuajli xtlapejpeni tlen tikijtos. Tla timonojnotsa iuan yakaj akin xkeman okimachtijkej itech Cristo, kanaj xtiknojnotsas itech Biblia nion itech Jesús ijkon ken akin kema okimachtijkej itech Cristo.

4. Maka xteyektlalijtiuetsi. Xkauili ika akin iuan timonojnotstika makijto nochi tlen kinemilia. Niman tla kijtoua itlaj tlen xualeua ipan Biblia, maka nimantsin xyektlalijtiuetsi (Sant. 1:19). Tla kuajli tijkaki, tikasikamatis tlen kineltoka niman tleka kineltoka (Prov. 20:5).

5. Ijkuak kijtos tlen kuajli, xkijli ika kuajli tlen okijto. Xkilnamiki ika akin iuan timonojnotstika kanaj kinemilia ika melauak tlen kijtojtika. Kachtopa xteneuili itlaj tlen nenomemej nenkimatstokej noso tlen nenomemej nenkineltokaj niman ika yolik xteneuili tlen kijtoua Biblia.