Tlen miyekej notlajtoltiaj itech biblia
¿Uelis kintlapopoluiskej totlajtlakoluan?
Uelis tikyolpaktiskej toTajtsin
Biblia kijtoua ika tinochimej titlajtlakolejkej. Pampa kachtopa tlakatl, Adán, otlajtlako niman otechpanoltili tlajtlakojli kemantika tikchiuaj itlaj tlen xkinamiki, niman sakin toyolkokouaj. Jesucristo omikiko topampa niman ijkon kintlaxtlauas totlajtlakoluan. Tlen okichiuj melak techpaleuiya, ijkon toTajtsin uelis techtlapopoluis (Xpoua Romanos 3:23, 24).
Sekimej akin yokichiujkej se tlajtlakojli, notlajtoltiaj tla toTajtsin kintlapopoluis. Biblia kijtoua: “Iyesyotsin JesuCristo, yejuan iKonetsin Dios, techchipauilia nochi totlajtlakoluan” (1 Juan 1:7). Kuakon, Jehová nochimej uelis kintlapopoluis tla yemelak noyolkuepaj (Xpoua Isaías 1:18).
¿Tlenon noneki tikchiuaskej niman ijkon toTajtsin uelis techtlapopoluis?
Tla tiknekij matechtlapopolui toTajtsin, noneki kuajli tikixmatiskej tikmatiskej tlenon kineki matikchiuakan niman tikchiuaskej tlen techtlajtlanilia (Juan 17:3). Jehová kinektika kintlapopoluis akin yemelak noyolkuepaj niman nokojtiliaj nopatlaskej (Xpoua Hechos 3:19).
Uelis tikyolpaktiskej toTajtsin, pampa yejua kasikamati ika titlajtlakolejkej. Jehová yolkuajli niman teiknelia. ¿Tikuelitaskia tikmatis kenon uelis tikyolpaktis toTajtsin? (Xpoua Salmo 103:13, 14).