Tlen melauak itech iTekiuajyo toTajtsin
Jesús okimititi inomachtijkauan kenon kichiuaskej teoyotl: “ToTajtsin akin tinemi ne iluikak, machipaui motoka. Mauajla motekiuajyo. Manochiua nikan ipan tlaltikpaktli tlen tejua tikneki, ijkon ken nochiua ne iluikak” (Mateo 6:9, 10, TNM). ¿Tlenon kijtosneki iTekiuajyo toTajtsin? ¿Tlenon kichiujtok? ¿Tleka noneki tiktlajtlaniskej mauajla?
Jesús yejua kiyekantok iTekiuajyo toTajtsin
Lucas 1:31-33: “Tiktokayotis Jesús. Yejua ueyixtias niman itoka yes teKoneu itech on más ueyixtikaj Dios. Niman Dios toTEKO kitlalis para Rey yes, niman kipiyas on tekiuajyotl yejuan iuejkatataj David okipix. Yejua tlamandaros para nochipa ipan on país de Israel, niman itekiuajyo xkaman tlamis”.
Jesús nochipa tenojnotsaya itech iTekiuajyo toTajtsin
Mateo 9:35: “Jesús panotiaya nochiuiyan ipan on kalpanmej niman kalpanmej pipitikej. Niman nochiuiyan temachtijtiaya ipan insinagogas on hebreos kampa kiteijlijtiaya on kuajli tlajtojli kenijki Dios tlamandaroua. Jesús kipajtijtiaya nochi kech kokolistli niman kualolistli”.
Jesús okimijli inomachtijkauan tlenon kiteititiskia ika iyejkos iTekiuajyo toTajtsin
Mateo 24:7: “On uejueyitekiuajkej nouijsokiskej inuan oksekimej uejueyitekiuajkej niman on países nomiktiskej inuan oksekimej países. Onyas apistli, [...] niman miyekan tlalolinis”.
Inomachtijkauan Cristo tenojnotstokej itech iTekiuajyo toTajtsin ipan nochi tlaltikpaktli
Mateo 24:14: “Niman in kuajli tlajtojli yejuan kiteijlia ken Dios temakixtia, noteijlis nochiuiyan ipan in tlaltikpaktli para nochimej países ma kixmatikan on tlen melauak. Niman [...] ijkuakon tlatlalpoliuis”.