Matomachtikan melak kuajli matitenojnotsakan: kenon tiknojnotsas akin tlajtoua okse tlajtojli

Tleka melak noneki. Jehová kineki ika nochimej tlaltikpakchanejkej ipan nochi tlaltikpaktli makixmatikan iTlajtol (Hech. 10:​34, 35). Ika yejon, Jesús okijto ika kuajli tlajtoltin noteijliskia “ipan nochi tlaltikpaktli” niman ipan “nochimej kalpamej” (Mat. 24:14, TNM). Zacarías okijto ika tlaltikpakchanejkej kiseliskiaj iTlajtol toTajtsin ika “nochi tlajtoltin tlen onka ipan países” (Zac. 8:​23). Niman Juan okitak ipan se tlatlachalistli ika akin makisaskiaj itech ueyi tlajyouilistli ualeuaskiaj ipan “nochiuiyan países, nochi raza, nochi pueblo niman nochi sesetlamantik tlajtoltin” (Apo. 7:​9, 13, 14). Kuakon, ijkuak tiknextiaj se akin tlajtoua okse tlajtojli kampa titlajtolmoyauaj, noneki tikyejyekoskej tiknojnotsaskej itech iTlajtol toTajtsin.