Matomachtikan melak kuajli matitenojnotsakan: Xkintejtemo nochimej tlaltikpakchanejkej kampa titenojnotsa

TLEKA MELAK NONEKI. Zacarías okijto ika tlaltikpakchanejkej “itech nochi tlajtoltin tlen onka ipan países” kiseliskiaj kuajli tlajtoltin (Zac 8:23). San ika ¿akinon kinmachtiskia? (Ro 10:13-15). Tikpiyaj se ueyi tetlayokolijli niman se ueyi tekitl ika tikimijliaj kuajli tlajtoltin nochimej tlaltikpakchanejkej akin nemij kampa titenojnotsaj (od-S pág. 84 párrs. 10, 11).

KENON TIKCHIUASKEJ:

• Xmoyektlali. ¿Tikinnextia akin tlajtouaj okseki tlajtoltin? Uelis tiktekitiltis JW Language mamitspaleui xtenojnotsa ika tlajtoltin tlen xouijtika. Noijki uelis tiktekitiltis moteléfono noso tableta tlen ika tikititis tlaltikpakchane kenon uelis kinextis okseki amatlajkuiloltin ika itlajtol ipan jw.org.

• Xtlatlachixto. Tla titenojnotstika techajchan xkita tla oksekimej noijki uelis tikinnojnotsas, ken akin nejnentiuij niman akin techiatokej ipan incarros. Ijkuak titenojnotsas kampa tojlan nojuitilo xmokojtili kuajli xtenojnotsa.

• Kuajli xchiua motekiyo. Xyejyeko oksejpa xkinmitati akin xotikinnexti inchan. Xmokojtili xnojnotsa maski san akinon tiknextis techan, kanaj ika teotlak noso ipan okse tonajli ipan semana. Sekimej kanaj nonekis tikinnojnotsas ika carta, teléfono noso ipan ojtli.

• Oksejpa xkitati. Nimantsin xtlajpaloti. Tla akin otiknojnots tlajtoua okse tlajtojli, xtejtemo se tokniuj akin uelis kinojnotsas ika itlajtol. Tejua ok xpaleui hasta ijkuak tokniuan akin tlajtouaj itlajtol kontlajpaloskej (od-S págs. 93, 94 párrs. 39, 40).

XKITA VIDEO TITENOJNOTSAJ KAMPA MELAK UEJKA IPAN TLALTIKPAKTLI, SAKIN XKINNANKILIKAN YEJUIN TLAJTOLTILISTIN:

• 

  ¿Kenon onoyektlalijkej tokniuan niman ijkon uelis kinnojnotsaskej akin uejka chantij? (1Co 9:22, 23).

• 

  ¿Tlenon okixnamijkej?

• 

  ¿Tlenon tlateochiualistin okiselijkej?

• ¿Tlenon uelis tikchiuas niman ijkon titlajtos imiuan melak miyekej kampa tontenojnotsa?