Matitemachtikan ika amatlajkuilojli Techijlia tlen kualtsin
1. ¿Kenon onochijchiuj amatlajkuilojli Techijlia tlen kualtsin?
1 Ken otikitakej ipan tlamachtijli tlen uajlaya itech ToTekiyo itech Tekiuajyotl tlen okis ipan julio, amatlajkuilojli ¡ToTajtsin techijlia tlen kualtsin! se tlen uelis techpaleuis matikinmachtikan tlen melauak oksekimej. Ipan yejuin amatlajkuilojli, tlaxeloltin pitentsitsintin xijkuiliujtokej, ijkon akin nomachtijtika kinpouas ipan Biblia. Maski miyek toamatlajkuiloluan onochijchiujkej ika se manomachti san iselti, yejuin amatlajkuilojli onochijchiuj ika se manomachti iuan se temachtijketl. Ika yejon, ijkuak yakaj tiktekiuiltiskej, matikyejyekokan matikititikan kenon nochiua se tlamachtijli itech Biblia niman ijkon kitas kenon melak teyolpakti timomachtis itech kuajli tlajtoltin (Mat. 13:44).
2. ¿Kenon uelis tiktekitiltis amatlajkuilojli Techijlia tlen kualtsin ijkuak kemach sejpa yakaj tikontlajpalos?
2 Ijkuak kemach sejpa tontetlajpalos. Uelis tikijtos: “Ipampa tlen tijkakij ipan noticias, miyekej tlaltikpakchanejkej notekipachouaj itech tlen uelis panos ika tlayekapan. ¿Tiknemilia ika noyektlalis ken tinentokej? [Xkauili mamitsnankili.] ¿Tikmatstoya ika Biblia techmaka tlamachialistli? Yejuin amatlajkuilojli kuajkui seki tlajtoltilistin tlen kinankilia Biblia.” Xmaka amatlajkuilojli niman xtlajtlanili makitlapejpeni se tlajtoltilistli itech tlen uajlauej ipan sa ika tlami página. Xkititi kenon nochiua se tlamachtijli itech Biblia ika kachtopa párrafo itech tlamachtijli. Okse tlen uelis tikchiuas, xkititi kenon amatlajkuilojli kipaleuis makinexti ipan Biblia kenon kinankilia se tlajtoltilistli itech tlamachtijli tlen tejua otiktlapejpeni. Tla ipan jw.org onka se video itech yejon tlamachtijli, uelis ika tiknojnotsas.
3. Xkijto kenon titemachtis itech Biblia ika amatlajkuilojli Techijlia tlen kualtsin.
3 Kenon tiktekitiltis ijkuak titemachtis itech Biblia. 1) Xpoua tlajtoltilistli tlen kuajkui kampa peua párrafo niman ijkon yejon tlaltikpakchane matlanemili itech tlen noneki kasikamatis. 2) Sakin, xpoua párrafo. 3) Xkinpoua textos tlen onotlalijkej ika cursiva niman, tla tikpaleuis makinankili ika Biblia tlajtoltilistli tlen uajlauj kampa peua párrafo, xkintekitilti okseki tlajtoltilistin tlen kuajli yotikinnemili. 4) Tla xonka san se párrafo tlen kinankilia se tlajtoltilistli, xchiua tlen yotikijtokej ipan 2 niman 3. Tla se video kinankilia yejon tlajtoltilistli niman ok xtikititia, kuakon, xkititi ijkuak tikmachtis 5) Sa ika tlami, xtlajtlanili tlaltikpakchane makinankili tlajtoltilistli, ijkon tikmatis tla yokasikamat tlen iuan timomachtijtika.
4. ¿Tlenon techpaleuis melak kuajli matiktekitiltikan yejuin amatlajkuilojli?
4 Kuajli xkixmati yejuin amatlajkuilojli niman nochipa ijkuak tiuelis, ika xtemachti. Ijkuak ok xtiauj tontemachtia, xtlanemili itech akin tikmachtijtika niman kenon uelis tikintekitiltis tlaxeloltin pitentsitsintin tlen uajlauej ipan tlamachtijli niman ijkon iuan titlanemilis (Prov. 15:28; Hech. 17:2, 3). Tla melak kuajli timomajmachtia niman tiktekitiltia yejuin amatlajkuilojli, melak tiknekis nochipa tiktekitiltis ika titemachtis tlen melauak.