Noneki kuajli timomachtis niman timochiuas kuajli tlamachtijketl

Jesús kanaj okpa okitlajtoltijkej itech nemilistli tlen xkeman tlamis. Niman itech yejuin ome xsan noijki okinnankili (Luc. 10:25-28; 18:18-20). Noijki ijkon, maski kuajli tikmatstokej tlen iuan yakaj tomachtiskej itech Biblia, noneki kachtopa kuajli tomachtiskej tejuamej niman titlanemiliskej itech akin tikmachtijtokej. ¿Tlenon xueli kasikamati noso xkiselia? ¿Katlejua tlaxeloltin pitentsitsintin tlen uajlauej ipan párrafos nonekis tikinpouaskej? ¿Kech nonekis tomachtiskej? Kanaj kuajli yes tla tiknemiliaj itech itlaj neskayotl, kenon tiktomiliskej noso tlajtoltilistin tlen makipaleui akin tikmachtijtokej makasikamati tlamachtijli. San ika, kuajli matikmatikan ika Jehová kichiua manoskalti tlen melauak ipan inyojlo tlaltikpakchanejkej. Ika yejon, noneki tiktlajtlaniliskej makiteochiua akin tikmachtijtokej, niman noijki tejuamej ijkuak tikyektlaliskej tlen iuan tomachtiskej niman ika tochikauaj tikpaleuiskej machikaui itlaneltokil (1 Cor. 3:6; Sant. 1:5).