BIBLIOTECA IPAN INTERNET Watchtower

BIBLIOTECA IPAN INTERNET

náhuatl de guerrero

mwb16 abril pág. 3
Xkinyolchikaua oksekimej ika kuajli tlajtoltin

Nemilistli niman Tekitl ken Cristo. Tlen tomachtiskej niman tlen notekitiltis 2016

mwb16 abril pág. 3

TLEN TEPALEUI ITECH ITLAJTOL TOTAJTSIN | JOB 16-20

Xkinyolchikaua oksekimej ika kuajli tlajtoltin

Matiteyolchikauakan ijkuak tiktemakaskej tlajtolpaleuilistli

16:4, 5

Job melak najmanaya niman nonekiya makipaleuikan uan makiyolchikauakan.
Nion se akin iuan nouikaya okijlikej itlaj tlen makiyolchikaua. Job sajnoye onoyolkoko itech tlen xkuajli okijlikej.

Itlajtoluan Bildad okichiujkej ika Job matlajto ika ajmantli

19:2, 25

Job okitlatlaujti toTajtsin makipaleui, maski kijtosnekiskia kikixtilis inemilis.
Job otlanemili itech tlamachialistli ika yoliuiskej akin yomijkej, ika yejon, otlaxiko ika yolmelaujkanemilistli.

Elifaz kinojnotstika Job niman Bildad iuan Zofar kominitstokej

AKIN XKUAJLI OTLAJTOKEJ ITECH JOB

Elifaz

Kanaj ualeua Temán ipan tlajli Edom. Ipan Jeremías 49:7 tlajtoua itech Temán kampa ualeua tlamachilistli itech Edom.
Kanaj yejua melak iueuentsin katka xijkon ken oksekimej niman melak kixmatiyaj. Elifaz kachtopa okinots Job. Yexpa okinots niman itech nochimej akin okinotskej Job, yejua melak ouejkauj.

¿Itech tlenon okiteneuili?

Ika Job xyolmelaujki niman okimelajkaijto ika toTajtsin xkinneltoka itekipanojkauan (Job 4, 5).
Ika Job xpinaujkayo niman xkuajli tlakatl, niman ika xkitlakaitaya toTajtsin (Job 15).
Ika Job melak kineki kipiyas tlemach niman xyolmelaujki, niman ika tlaltikpakchanejkej xtlaj ika kipaleuiyaj toTajtsin (Job 22).

Bildad

Ualeua itech Súah. Kanaj ochantik ipan atentli Éufrates.
Yejua ika okpa okinots Job. Xouejkauj okinojnots, san ika, itlajtoluan melak teyolkokojkej xsan ken itlajtoluan Elifaz.

¿Itech tlenon okiteneuili?

Ika ikoneuan Job yotlajtlakojkaj niman kinnamikiya tlen inpan yonochiujka, niman oteasikamachilti ika Job xkimakasiya toTajtsin (Job 8).
Ika Job se xkuajli tlakatl katka (Job 18).
Ika tiyolmelaujkanemis itech toTajtsin xtlaj kitosneki (Job 25).

Zofar

Katka se naamatita, kanaj ualeuaya ika tlajpak ipan Arabia.
Yejua ika yexpa okinots Job niman melak xkuajli tlen okijli xsan ijkon ken oksekimej. San okpa okonots.

¿Itech tlenon okiteneuili?

Ika Job san tlemach yokijto niman okijli makikajkaua ika kichiua tlajtlakojli (Job 11).
Ika Job xkuajli tlakatl niman kiyolpaktiaya kichiuas tlajtlakojli (Job 20).