Yenkuik kenon tipeuaskej titenojnotsaskej

Opeuj ipan marzo 2016a niman itech tlen kisaskej tlayekapan, ikuitlapan revista Amatl Tekakistilijketl kuajkuis sección tlen itoka “¿Tlenon kijtoua Biblia?”. Yejuin sección okiyektlalijkej niman ijkon techpaleuis titenojnotsaskej. Tlachijchiujtli ken amatlajkuiloltin pitentsitsintin: kuajkui tlajtoltilistli tlen yakaj kinankilis ken tlanemilia, tlanankilistli tlen nokixtia ipan Biblia niman okseki tlemach tlen techpaleuis.

Kemantika, ijkuak kuajli tonojnotsaj iuan yakaj itech tlen tlajtoua Biblia, peua nomachtia itech Biblia. Xtekitilti yejuin sección niman xkinpaleui akin kinekij kimatiskej itech toTajtsin (Mt 5:6).

KENON TIKTEKITILTISKEJ YEJUIN SECCIÓN:

1. Xtlajtlanili akin tiknojnotstika makijto tlenon kinemilia se itech tlajtoltilistin.

2. Xkaki niman xtlasojkamachili ika otlanankili.

3. Xpoua texto tlen uajlauj itech “Tlen Biblia kijtoua” niman xtlajtolti tlenon kinemilia. Tla kipiya tiempo, xtekitilti tlen uajlauj itech “Tlenon noijki uelis tomachtiskej itech Biblia”.

4. Xtekiuilti revista.

5. Xmokaua iuan tlen tonajli tikontlajpalos niman nenkitaskej okse tlajtoltilistli.