¿Itiktekitiltijtika JW Library?

JW Library se aplicación tlen xnotlaxtlaua. Uelis ika tiktemoltis Biblia niman okseki amatlajkuiloltin, ken videos niman tlen nokakij ipan moteléfono, tableta noso computadora.

KENON UELIS TIKPIYAS: Xkalaki ipan Internet niman xtemolti uan xtlali JW Library ipan mocelular noso okse tlemach tlen tiktekitiltia kampa kijtoua tienda de aplicaciones. Yejuin aplicación uelis notemoltis itech sesejneka noso tlatlamantikej celulares. Ijkuak itinemis ipan Internet, xtlapo aplicación niman xtlapejpeni tlenon tiknekis tiktemoltis ipan mocelular. Tla xtikpiya Internet, ijkuak tinemis ipan Kajli kampa Tosentlaliaj xkalaki ipan Internet, xuiya ipan se biblioteca noso oksekan kampa uelis tikalakis ipan Internet. Tla yotikintemolti amatlajkuiloltin, xok nonekis Internet ijkuak tikintekitiltis. Pampa kistias seki yenkuik kenon uelis notekitiltis aplicación JW Library, ijkuak panos seki tonaltin, nonekis tiktemoltis tlen yenkuik niman tla yonotlali.

TLEKA NONEKI TIKPIYAS: JW Library melak tepaleuij ijkuak san moselti timomachtis niman ipan tlanechikojli. Noijki melak tepaleui ipan tenojnotsalistli niman ijkuak notenojnotsa ipan tekitl noso san kanon kampa tikistinemij.