TLEN TEPALEUI ITECH ITLAJTOL TOTAJTSIN | PROVERBIOS 1-6
“Xtlaneltoka itech Jehová ika nochi moyojlo”
Jehová kinamiki itech matiktlalikan nochi totlaneltok. Tlen kijtosneki itoka kichikaua totlaneltok ika yejua uelis kichiuas nochi tlen yokijto. Melak noneki matikchiuakan teoyotl niman ijkon kichikauas totlaneltok. Tlaxelojli ueyi 3 itech Proverbios kuajli techijlia ika tla titlaneltokaj itech Jehová yejua techteochiuas ijkuak techpaleuis matimelaujkanemikan.
Akin kinemilia melak tlamachilise...
3:5-7
...kitlapejpenia tlen kichiuas niman sakin kitejtemoua itlayekanalis Jehová.
...san tlaneltoka itech tlen kinemilia niman itech tlen kinemiliaj oksekimej.
Akin tlaneltoka itech Jehová...
...melak kineki kuajli iuan nouikas, nomachtia Biblia, itech tlanemilia niman kichiua teoyotl.
...ijkuak kitlapejpenia itlaj, kitejtemoua tlenon kinemilia Jehová ijkuak nomachtia tlajtolyekanalistin tlen nonekij.
KACHTOPA niktlapejpenia nikchiuas tlen niknemilia kuajli yes. |
KACHTOPA niktlajtlanilia Jehová manechyekana ika teoyotl niman ika tlen noselti ninomachtia. |
SAKIN niktlajtlanilia Jehová makiteochiua tlen yoniktlapejpeni. |
SAKIN niktlapejpenia nikchiuas ken kijtoua itlajtolyekanalisuan tlen uajlauej ipan Biblia. |