ToTajtsin akin tetlasojtlani uelis mitsteochiuas

• ¿Tikuelitaskia tichantis kampa xtlaj guerras, kampa xnouisokilo nion kampa xtlaj tlauejli?

• ¿Tikuelitaskia maka sa matikualokan, matitlajyouikan nion matimikikan?

• ¿Tikuelitaskia xok timajmanas nion timojkamikis?

• ¿Tikuelitaskia xtimomojtijtos tla tlaixpoliuis?

Uelis ijkon tinemiskej. ToTajtsin akin okichijchiuj tlaltikpaktli, techtlasojtla niman yotechijli ika uelis nochipa tiyolpakiskej niman tiyolseujtoskej.

Ipan tlamachtiltin tlen tikitaskej, nonankilis yejuin:

• ¿Yemelak techtlasojtla akin otexchijchiuj?

• ¿Tlenon techmachtia iTlajtol toTajtsin?

• ¿Tlenon okijtokej teotlajtokej itech tlen toTajtsin yokijto kichiuas?

• ¿Kenon toTajtsin techpaleuiya matiyolpakikan aman niman ika tlayekapan?

Kachtopa matikitakan tla akin otexchijchiuj yemelak techtlasojtla.