Kenon tiktekitiltiskej amatlajkuilojli ¿Akinomej kichiuaj tlen kineki Jehová ipan yejuin tonajli?

Amatlajkuilojli ¿Akinomej kichiuaj tlen kineki Jehová ipan yejuin tonajli? onochijchiuj matiktekitiltikan ijkuak titemachtiskej itech Biblia uelis ijkuak tipeuaskej noso titlamiskej se tlamachtijli.a Tlamachtiltin 1 ontlami ipan 4 techtomilia akinomej iteixpantijkauan Jehová; tlamachtiltin 5 ontlami ipan 14 tlajtoua itech tlen kichiuaj niman tlamachtiltin 15 ontlami ipan 28 techititia kenon tekititok ikalpan toTajtsin. Kuajli tla tomachtiaj tlamachtiltin ijkon ken peua hasta kampa ontlami, san ika, tla akin tikmachtijtokej kineki kimatis itech itlaj uelis ompa tikititiskej. Nochi tlamachtiltin kipiya san se página niman uelis tomachtiskej iuan miyekej akin tikinmachtiaj ipan makuijli noso majtlaktli minutos.

• 

  Xkitakan tlajtoltilistli tlen ika peua tlamachtijli.

• San sekan xpouakan tlamachtijli, uelis yes nochi noso uelis nenkixeloskej.

• Xtlajtokan itech tlen kemach onenkipoujkej. Xkinkui tlajtoltilistin tlen nesij ijkuak tlami tlamachtijli niman noijki tlaixkopinaltin. Xkinpouakan niman xmomachtikan tlaxeloltin tlen tiknemilia ika noneki. Xkititi kenon subtítulos tlen nesij ika kapostik kinankilia tlajtoltilistli tlen ika peua tlamachtijli.

• Tla tlamachtijli kipiya recuadro “Xkixmati okseki”, xpouakan niman xyolchikaua akin tikmachtijtika makichiua ijkon ken ompa nesi.