MATINEMIKAN KEN CRISTO
Matikteititikan tetlakaitalistli ijkuak titenojnotsaj techajchan
Akin tikchiuaj ken Cristo ken titetlamauisoltiaj (1Co 4:9). Kuakon, xkipiya ika techmojkatlachialtis ika sekimej akin tikinnojnotsaj techitaj ipan inventana noso techkakij ikuitlapan inpuerta. Kanaj kipiyaj cámara niman micrófono tlen ika techitaj tlen tikchiuaj, techkakij tlen tikijtouaj niman techkixtiliaj video. Nikan uajnestiuj seki ken tikteititiskej tetlakaitalistli ijkuak titenojnotsaj techajchan (2Co 6:3).
IKA TLEN TIKCHIUAJ (Flp 1:27)
Matikintlakaitakan tlaltikpakchanejkej ijkuak xtontlanchiaj inkalijtik. Ijkuak tinemiskej ipan puerta, maka matitlakuajtokan, matikonitokan itlaj, maka matontenotstokan ipan teléfono nion maka matiktitlantokan mensajes.
IKA TOTLAJTOLUAN (Ef 4:29)
Ijkuak tikchiatokej makitlapokan puerta, maka matikijtokan tlen xtiknekij makikaki tlaltikpakchane. Sekimej tenojnotskej kinekij xok tlajtoskej imiuan akin yauej niman ijkon uelis kuajli tlanemiliskej itech tlen kijtoskej.