Kenon uelis kuajli timomachtis iTlajtol toTajtsin

¿Tikuelitaskiaj tiyolmelaujkanemis ijkuak tikixnamikis tlen ouijtika ijkon ken Daniel? Yejua melak kuajli nomachtiaya iTlajtol toTajtsin, ijkuak nomachtiaya kimitaya teotlajtoltin tlen ouijtika (Da 9:2). ¿Kenon uelis mitspaleuis Biblia xyolmelaujkanemi tla melak kuajli timomachtia? Uelis kichikauas motlaneltokil ika tlen Jehová yokijto nochiuas (Jos 23:14). Noijki ueyiyas motlasojtlalis itech toTajtsin, niman yejon mitsyolchikauas xchiua tlen kuajli (Sl 97:10). San ika ¿kenon uelis tipeuas? Xkita yejuin tlen mitspaleuis.

• ¿Tlenon noneki ninomachtis? Ijkuak timoyektlalis kenon kuajli timomachtis xkita tlen noitas ipan tlanechikojli. Melak mitspaleuis tikitas tlen nopoua ipan Biblia tla tikxeloua tiempo niman tiktejtemoua tlen xtikasikamati. Noijki, sekimej kitlapejpeniaj kuajli kasikamatiskej teotlajtoltin, kualneskayomej itech iespíritu santo toTajtsin, kampa tenojnotstinemiya Pablo, itlatitlankauj Cristo, noso itech tlen toTajtsin okichijchiuj. Tla ipan yejon tonajli itlaj timotlajtoltia itech Biblia, xkijkuilo niman xtejtemo ijkuak oksejpa timomachtis.

• ¿Kanon uelis niknextis tlamachtiltin? Uelis tiknextis seki itech video Tlen mitspaleuis xtejtemo niman xnexti tlen tepaleui niman iyantika. Tla tikneki tikyejyekos, xkita Daniel tlaxelojli ueyi 7 kampa kinteneua uejueyimej tekiuajyomej kentla yolkamej yeskiaj niman xtejtemo tlenon inseselti kixneskayotiaj.

• ¿Kech kipiya ika niuejkauis ijkuak ninomachtis? Tla tikneki tikpiyas chikauak motlaneltokil noneki nochipa timomachtis iTlajtol toTajtsin. Uelis tipeuas ika achijtsin timomachtis niman sakin ika yolik tikchiuas uejkaujtipan. Timomachtis iTlajtol toTajtsin kentla tiktejtemoskia tesoros: tla yotiknexti, okseki tiknekis tiktejtemos (Pr 2:3-6). Motlasojtlalis itech iTlajtol toTajtsin ueyiyas, niman nochipa tiknekis timomachtis Biblia (1Pe 2:2).

¿TLENON KIXNESKAYOTIAJ YOLKAMEJ TLEN NOTENEUAJ IPAN DANIEL TLAXELOJLI UEYI 7?

• 

  Da 7:4

• 

  Da 7:5

• 

  Da 7:6

• 

  Da 7:7

OKSE TLAJTOLTILISTLI:

¿Kenon onochiuj Daniel 7:8, 24?

TLEN SAKIN NIKTEJTEMOS:

Apocalipsis tlaxelojli ueyi 13 tlajtoua itech seki kentla yolkamej yeskiaj, ¿tlenon kixneskayotiaj?