Xkui monemilis ika xtekichiuili Jehová

Nemilistli se kualtsin tetlayokolijli. Ken tikyekanaj tonemilis kiteititia ken tiktlasojkaitaj. Iteixpantijkauan Jehová kikuij tlen uelij kuajli kichiuaj ika kiueyiteneuaskej toTajtsin, Akin itech ualeujtika nemilistli (Sl 36:9; Ap 4:11). San ika, tlaueltin tlen mojmostla tikinpiyaj uelis kichiuaskej maka matikchiuakan tlen yotiknemilijkej ipan itekiyo toTajtsin (Mr 4:18, 19). Ika yejon, tinochimej noneki totlajtoltiskej: “¿Nikmakatok Jehová tlen melak kuajli nikpiya? (Os 14:2). ¿Kenon nechijtlakojtok notekiyo noso ika ninomachtia ipan uejueyimej kaltlamachtiltin? ¿Tlenon yoniknemili nikchiuas ipan iTekiyo toTajtsin? ¿Kenon uelis nikueyilis tlen nikchiua ipan iTekiyo toTajtsin?”. Tla tikmachilia ika uelis tikchiuas okseki, xtlajtlanili Jehová ipan teoyotl mamitspaleui timopatlas niman peua xchiua tlen noneki. Xtiometlamatij: tla tikueyichiua mojmostla Jehová, kichiuas kuajli xmomachili niman xpaki (Sl 61:8).

XKITA VIDEO TLEN UELI TIKCHIUA XKUI IKA XTEKICHIUILI JEHOVÁ, SAKIN XKINNANKILIKAN YEJUIN TLAJTOLTILISTIN:

• ¿Tleka xtitlamachilisejkej yeskiaj tla tijkuij tlen ueli kuajli tikchiuaj ipan tlaltikpaktli tlen kiyekana Satanás? (1Jn 2:17).

• ¿Katlejua tlateochiualistin kiseliaj akin kimakaj Jehová tlen melak kuajli kipiyaj?

• Itech itekiyo toTajtsin, ¿kanon tikuelitaskia tiktekitiltis tlen ueli kuajli tikchiua?