MATINEMIKAN KEN CRISTO
Telpochtli, ¿Jehová yejua akin melak kuajli iuan timouika?
Kanaj tejua tikneki se moamigo akin maka keman mitskauas, akin yolkuajli niman akin kuelita kitemakas tlen kipiya. Jehová ijkon kichiua imiuan iamigos (Éx 34:6; Hch 14:17). Yejua mitskaki ijkuak tiknotsa niman nochipa mitspaleuiya (Sl 18:19, 35). Niman ijkuak timopopoloua, yejua mitstlapopoluiya (1Jn 1:9). ¡Jehová se kuajli amigo!
¿Kenon uelis kuajli iuan timouikas Jehová? Tla tikixmati ijkuak tikpoua Biblia niman tla itech titlaneltoka (Sl 62:8; 142:2). Xteititi ika tikpatiojkaita tlen yejua kipatiojkaita, ken iTekiuajyo niman tlen yokijto kichiuas. Noijki xkititi ika tiktlasojtla iKoneuj ken yejua kitlasojtla. Xkinnojnotsa oksekimej itech Jehová (Dt 32:3). Tla timouika iuan Jehová, yejua nochipa mouan nemis niman mitspaleuis (Sl 73:25, 26, 28).
XKITAKAN VIDEO TELPOKAMEJ: XKITAKAN IKA JEHOVÁ YOLKUAJLI, SAKIN XNANKILIKAN YEJUIN:
¿Tlenon uelis tikchiuas tla tikneki timosentemakas itech Jehová niman timoapolaktis?
¿Kenon uelis mitspaleuiskej tokniuan ipan tlanechikojli niman ijkon kuajli xtekichiuili Jehová?
¿Kenon uelis más timouikas iuan Jehová tla titenojnotsa?
¡Nochipa uelis timouikas iuan Jehová!
¿Kenon uelis más tiktekichiuilis Jehová?
¿Tlenon melak tikuelita itech Jehová?