BIBLIOTECA IPAN INTERNET Watchtower
Watchtower
BIBLIOTECA IPAN INTERNET
náhuatl de guerrero
  • BIBLIA
  • AMATLAJKUILOLTIN
  • TLANECHIKOLTIN
  • lff tlamachtijli 8
  • Tejua uelis timouikas iuan Jehová

Xonka video tlen otiktlapejpeni.

Xtechtlapopolui, xueli tlapoui video.

  • Tejua uelis timouikas iuan Jehová
  • ¡Nochipa uelis tiyolpakis! Xkita tlen Biblia temachtia
  • Subtítulos
  • Okseki ken yejuin
  • OKSEKI XKASIKAMATI
  • TLEN OTIUEL
  • OKSEKI XKITA
  • ToTajtsin techyoleua iuan matouikakan
    Uelis touikaskej iuan toTajtsin
  • Kuajli xkintlapejpeni akinon imiuan timouikas
    ¡Nochipa uelis tiyolpakis! Xkita tlen Biblia temachtia
  • ¿Tlenon tiknemilia tejua?
    Amatl Tekakistilijketl kiueyichiua toTajtsin Jehová (tlen tiktemakaj) 2018
  • Sajnoye kuajli tla iuan touikaj toTajtsin
    Uelis touikaskej iuan toTajtsin
¡Nochipa uelis tiyolpakis! Xkita tlen Biblia temachtia
lff tlamachtijli 8
Tlamachtijli 8. Se tlakatl yeuatika ipan se parque niman onajkotlachixtika.

TLAMACHTIJLI 08

Tejua uelis timouikas iuan Jehová

Ika amatl
Ika amatl
Ika amatl

Jehová kineki kuajli xkixmati. ¿Tleka? Pampa tla kuajli tikixmati, tiknekis iuan timouikas. San ika ¿melauak uelis iuan timouikas? (Xkita Salmo 25:​14). ¿Tlenon noneki tikchiuas niman ijkon uelis timouikas iuan toTajtsin? Biblia kinankilia nochi yejuin niman noijki techijlia tleka melak kuajli tla tokojtiliaj touikaskej iuan Jehová.

1. ¿Kineki Jehová iuan xmouika?

Biblia kijtoua: “Xnisiuikan Dios niman yejua mechnisiuis” (Santiago 4:8). ¿Tlenon kijtosneki yejuin? Ika Jehová kineki iuan xmouika. Miyekej kijtouaj ika xuelis touikaskej iuan toTajtsin pampa xueli tikitaj. San ika, yejua yotechmakak iTlajtol niman ijkon matikixmatikan niman iuan matouikakan. Ijkuak tikitaj tlen kijtoua iTlajtol, más tiktlasojtlaj toTajtsin maski xueli tikitaj.

2. ¿Tleka melak kuajli tla timouika iuan Jehová?

Xakaj nemi akin melak mamitstlasojtla ijkon ken Jehová. Yejua kineki xyolpaki niman kineki xnotsa ijkuak itlaj mitsajmanas. Biblia kijtoua: “Xmaktilikan Dios nochi on tlajtlamach yejuan mechyolpajsolou[a] pampa yejua kineki mechpaleuis” (1 Pedro 5:7). Jehová nochipa kinkaki akin iuan nouikaj, kinyolseuiya niman kinpaleuiya (xkita Salmo 94:​18, 19).

3. ¿Tlenon kineki Jehová makichiuakan akin iuan nouikaj?

Jehová nochimej kintlasojtla. San ika, yejua nouika imiuan akin kitlakaitaj niman kitlakamatij (Salmo 25:​14). Jehová kineki ika akin iuan nouikaj makichiuakan tlen yejua kineki niman makitlauelitakan tlen yejua kitlauelita. Sekimej kijtouaj ika xuelis tikchiuaskej nochi tlen Jehová techtlajtlanilia. San ika, yejua techasikamati niman kipatiojkaita nochi tlen tikchiuaj niman ijkon tikyolpaktiskej (Salmo 147:​11; Hechos 10:​34, 35).

OKSEKI XKASIKAMATI

Matikitakan tlenon noneki tikchiuaskej niman ijkon uelis touikaskej iuan Jehová. Noijki matikitakan tleka melak kuajli tla iuan touikaj.

4. Abrahán nouikaya iuan Jehová

Yeuejkaui, onen se tlakatl akin kuajli onouikak iuan Jehová. Yejua itoka katka Abrahán (noso Abrán). ¿Tleka Abrahán ouel onouikak iuan Jehová? Xkitakan Génesis 12:​1-4 niman xtlajtokan itech yejuin:

  • ¿Tlenon okinauatijkej Abrahán?

  • ¿Tlenon panoskia tla Abrahán tetlakamatiya?

  • ¿Tlenon okichiuj Abrahán ijkuak yokijlijkaj tlen nonekiya kichiuas?

5. Tlen Jehová kineki makichiuakan akin iuan nouikaj

Tinochimej tiknekij touikaskej imiuan akin kichiuaj tlen tejuamej tikuelitaj.

  • ¿Tlenon tikuelita makichiuakan akin imiuan timouika?

Xkitakan 1 Juan 5:3 niman xtlajtokan itech yejuin:

  • ¿Tlenon kineki Jehová makichiuakan akin iuan nouikaj?

Tla tiknekij tiktlakamatiskej Jehová, kanaj nonekis topatlaskej niman xok tikchiuaskej tlen yejua xkuelita. Xkitakan Isaías 48:​17, 18 niman xtlajtokan itech yejuin:

  • ¿Tleka kineki Jehová matiktlakamatikan?

Se kalchiujketl kimakatika se casco akin iuan tekiti.

Akin touan nouika techilnamiktia tlenon noneki tikchiuaskej niman ijkon maka topan nochiuas tlen xkuajli. Jehová noijki ijkon kichiua.

6. Jehová kinpaleuiya akin iuan nouikaj

Jehová kinpaleuiya akin iuan nouikaj ijkuak tlajyouiyaj. Xkitakan VIDEO niman xtlajtokan itech yejuin:

VIDEO: Jehová melak yonechpaleui (3:​20)

  • ¿Kenijki okipaleui Jehová yejon siuatl akin otikitakej ipan video?

Xkitakan Isaías 41:​10, 13 niman xtlajtokan itech yejuin:

  • ¿Tlenon kimijlia Jehová nochimej akin iuan nouikaj?

  • ¿Tiknemilia ika uelis timouikas iuan Jehová niman ika yejua mitspaleuis? ¿Niman tleka ijkon tiknemilia?

Miyek tlaixkopinaltin: Sekimej amigos nopaleuijtokej. 1. Omemej tlakamej san sekan kitkij mesa. 2. Se siuatl kijlitika okse siuatl tlen kajmana. 3. Se tlakatl kipaleuiya akin xueli nejnemi.

Akin kuajli nouikaj nochipa nopaleuiyaj. Jehová noijki ijkon kichiua.

7. Akin nouikaj iuan Jehová nochipa kinotsaj niman kikakij

Tejuamej más tikintlasojtlaj toamigos ijkuak imiuan titlajtouaj. Xkitakan Salmo 86:​6, 11 niman xtlajtokan itech yejuin:

  • ¿Tlenon uelis tikchiuaskej tla tiknekij itlaj tikijliskej toTajtsin?

  • ¿Kenijki technotsa Jehová?

Miyek tlaixkopinaltin: 1. Se siuatl kichiua teoyotl. Ikuatipan onka se flecha tlen ika tlakpak ontlachixtika. 2. Se siuatl kiamapoua Biblia. Ikuatipan onka se flecha tlen ika tlatsintlan ontlachixtika.

Jehová techkaki ijkuak tiknotsaj niman yejua technotsa itechkopa Biblia.

SEKIMEJ KIJTOUAJ: “Xuelis touikaskej iuan toTajtsin”.

  • ¿Katlejua texto tikteititiskia niman ijkon titeasikamachiltis ika kema uelis touikaskej iuan Jehová?

TLEN OTIUEL

Jehová kineki iuan xmouika, niman yejua mitspaleuis ijkon xchiua.

¿Kenon titlanankiliskia?

  • ¿Kenijki kinpaleuiya Jehová akin iuan nouikaj?

  • ¿Tleka Jehová kineki ika akin iuan nouikaj manopatlakan niman makitlakamatikan?

  • ¿Tiknemilia ika Jehová techijlia matikchiuakan itlaj tlen xuelis tikchiuaskej? ¿Tleka ijkon tiknemilia?

Xchiua yejuin

OKSEKI XKITA

¿Kenijki uelis mitspaleuis tla timouika iuan Jehová?

“Melak kuajli tla tikixmatij Jehová” (Amatl Tekakistilijketl, 15 de febrero de 2003)

Xkita kenijki uelis timouikas iuan toTajtsin.

“¿Kenijki uelis ninouikas iuan toTajtsin?” (Tlen notlajtoltiaj telpokamej niman ichpokamej. Tlen uelis kinpaleuis, volumen 2, capítulo 35)

Xkita tleka se siuatl kijtoua ika melak yokipaleui nouikas iuan Jehová.

“¡Nejua xniknekiya nimikis!” (Tlamachtijli itech Amatl Tekakistilijketl)

Xkita tlen sekimej telpokamej kijtouaj itech Jehová.

¿Tlenon kijtosneki timouikas iuan toTajtsin? (1:46)

    Amatlajkuiloltin ika Náhuatl de Guerrero (2006-2025)
    Nikisas
    Nikalakis ika nocuenta
    • náhuatl de guerrero
    • Xtetitlanili
    • Ken tikneki manesi
    • Copyright © 2025 Watch Tower Bible and Tract Society of Pennsylvania
    • Ken noneki notekitiltis
    • Ken notlajpiyaj modatos
    • Xpatla ken notekitiltiaj modatos
    • JW.ORG
    • Nikalakis ika nocuenta
    Xtetitlanili