Sajnoye kuajli tla iuan touikaj toTajtsin

Timouikas iuan toTajtsin yejon tlen okachi kuajli mopan nochiuas. ToTajtsin mitsmachtis kenon uelis tipakis niman kenon tinemis ika moyojlo; mitsmakixtis itech tlaneltokiltin xmelajkej niman tlemach tlen teijtlakoa. Kikakis moteoyouan. Mitsmakas yolseuilistli niman kichiuas itech xtlaneltoka (Salmo 71:5; Filipenses 4:6, 7). ToTajtsin mitspaleuis ijkuak tikpiyas tlajyouilistli (Salmo 18:18). Uan noijki, mitstekiuiltia nemilistli tlen xkeman tlamis (Romanos 6:23).

Ijkuak tiknisiuiyaj toTajtsin, tikiminisiuiyaj akin iuan nouikaj toTajtsin. Akin iuan nouikaj toTajtsin noijki uelis iuan timouikas. Kema, yeskej kentla mokniuan. Pakiskej mitsmachtiskej itech toTajtsin, mitspaleuiskej niman mitsyolchikauaskej.

Tejuamej xijkon ken toTajtsin. Tla tikneki timouikas iuan toTajtsin, kipiya ika tikasikamatis yejuin: timouikas iuan toTajtsin xijkon ken timouikas iuan se tlakatl. Yejua yonen miyek xiutin, tlamachilise niman kipiya kojtilistli xijkon ken tejuamej. San yejua kinamiki yes toTekiuaj. Ika on, tla tiknekij iuan touikaskej, noneki tijkakiskej niman tikchiuaskej tlen techtlatlanilia. Nochipa kuajli tonkisaskej tla tiktlakamatij toTajtsin (Santiago 1:25).