MATINEMIKAN KEN CRISTO
Noneki titenojnotsaskej niman titemachtiskej, san ijkon oksekimej nochiuaskej inomachtijkauan Cristo
Jesús okinnauati inomachtijkauan makinpaleuitij oksekimej manochiuakan inomachtijkauan (Mt 28:19). Yejuin kijtosneki ika noneki matitenojnotsakan niman matitemachtikan. Kanaj kemantika nonekis matotlajtoltikan: “¿Tlenon ok uelis nikchiuas niman ijkon kuajli nikinpaleuis oksekimej manochiuakan inomachtijkauan Cristo?”.
TENOJNOTSALISTLI
Xtikchiaskej ika tlaltikpakchanejkej manonisiuikan totech, tejuamej noneki tikimijliskej niman tikintejtemoskej akin melauak kinektokej kikakiskej iTlajtol toTajtsin (Mt 10:11). ¿Ijkuak titenojnotstokej, titlatlachixtokej niman ijkon uelis tiknojnotsaskej maski san akinon? (Hch 17:17). Lidia onochiuj inomachtijkauj Cristo, pampa Pablo xkeman okikajkauj ika tenojnotsa (Hch 16:13-15).
“Ika kualkan xtoka moxinach niman hasta ika teotlak maka manoseui moma” (Ec 11:6).
XKITAKAN VIDEO MAKA MATIJKAJKAUAKAN IKA TIKTEIJLISKEJ KUAJLI TLAJTOLTIN: SAN KEMANON NIMAN TECHAJCHAN, SAKIN XKINNANKILIKAN YEJUIN TLAJTOLTILISTIN:
¿Kenon okiteititi Samuel ika nochipa nokojtiliaya kitokas xinachtli itech tlen melauak?
¿Tleka noneki melak matokojtilikan titenojnotsaskej ijkon ken miyek onka ken nochiua?
¿Akinomej uelis nikinnojnotsas ijkuak nikchiua notekiyo mojmostla?
TLAMACHTIJLI
Pampa oksekimej noneki manochiuakan inomachtijkauan Cristo, xsan tikinmakaskej amatlajkuiloltin. Noijki tiknekij tikinpaleuiskej manoskaltikan ipan intlaneltokil, ika yejon oksejpa matikintlajpalotij niman matikinmachtitij itech Biblia (1Co 3:6-9). San ika ¿tlenon tikchiuaskej tla tikitaj ika maski melak tokojtiliaj tikinmachtiskej tlen melauak, xnoskaltiaj ipan intlaneltokil? (Mt 13:19-22). Noneki ok matikintejtemokan akin kipiyaj inyojlo ken se “kuajli tlajli” (Mt 13:23; Hch 13:48).
“Nejua oniktokak on xinachtli ipan nemoyojlo, niman Apolos okatekij, pero Dios yejua okiskaltij” (1Co 3:6).
XKITAKAN VIDEO MAKA MATIJKAJKAUAKAN IKA TIKTEIJLISKEJ KUAJLI TLAJTOLTIN: KAMPA TOJLAN NOJUITILO NIMAN MANOCHIUAKAN INOMACHTIJKAUAN JESÚS, SAKIN XKINNANKILIKAN YEJUIN TLAJTOLTILISTIN:
¿Kenon Solomon niman Mary okatekikej xinachtli itech tlen melauak tlen onotokak ipan inyojlo Ezequiel niman Abigail?
Ijkuak titenojnotsaj ken kampa tojlan nojuitilo noso itech okseki, ¿tlenon tiknekij ika tlaltikpakchanejkej makichiuakan?
¿Kenon uelis tikteititiskej ika melak tikpatiojkaitaj titemachtiskej tlen melauak?