Matomachtikan melak kuajli matitenojnotsakan: Matikinpaleuikan akin kipiyaj kuajli inyojlo manochiuakan inomachtijkauan Cristo

TLEKA MELAK NONEKI: Jehová yejua akin kichiua ika tlen melauak maueyiya ipan inyojlo akin kinekij kixmatiskej iTlajtol (Hch 13:48; 1Co 3:7). Tikpaleuiyaj Jehová ijkuak tokojtiliaj tikinpaleuiskej akin kichiuaj ipan inemilis tlen ueltiuej itech (1Co 9:26). Akin tikinmachtiaj Biblia noneki kasikamatiskej ika noneki noapolaktiskej tla kinekij makisaskej (1Pe 3:21, TNM). Tla tiknekij ika yejuamej manochiuakan inomachtijkauan Cristo, noneki tikinpaleuiskej makipatlakan innemilis, matenojnotsakan, makinmachtikan oksekimej niman manosentemakakan itech Jehová (Mt 28:19, TNM, 20).

KENON TIKCHIUASKEJ:

• Xkimilnamikti monomachtijkauan ika tikinmachtia pampa tikneki tikinpaleuis makixmatikan niman makiyolpaktikan Jehová (Jn 17:3).

• Tla tikneki manoskaltikan ipan intlaneltokil, xkinpaleui makikajkauakan tlen xkuajli kichiuaj niman maka sa manouikakan imiuan akin kimijtlakouaj.

• Xkinyolchikaua ijkuak xinoapolaktiaj niman sakin tla yokichiujkej (Hch 14:22).

XKITAKAN VIDEO JEHOVÁ MITSPALEUIS, SAKIN XKINNANKILIKAN YEJUIN TLAJTOLTILISTIN:

• ¿Tlenon uelis kimojtis yakaj ijkon xnosentemakas niman xnoapolaktis?

• ¿Kenon uelis tlayekankej kinpaleuiskej akin nomachtiaj itech Biblia manoskaltikan ipan intlaneltokil?

• ¿Tlenon techmachtia Isaías 41:10 itech Jehová?

• ¿Tlenon kualneskayomej techpaleuiskej matiktekichiuilikan Jehová maski titlajtlakolejkej?