Kuajli xtlapejpeni tlen ika timoyolpaktis

¿Tleka melak noneki kuajli tiktlapejpeniskej tlen ika toyolpaktiskej? Pampa ijkuak tiktlapejpeniaj se película, se tlakuikajli, se libro, se videojuego niman tlen tikitaskej ipan Internet, tiktlapejpenijtokej tlen nokauas ipan totlamachilis. Tlen tiktlapejpeniaj kiteititia kenon tejuamej niman tlenon tikchiuaj. Melak teajman ika miyek tlen aman ika noyolpaktilo kipiya tlen Jehová kitlauelita (Sl 11:5; Gál 5:19-21). Ika yejon, ipan Biblia techyolchikaua ika nochipa matitlanemilikan ipan tlen Jehová kiyolpaktia (Flp 4:8).

XKITAKAN VIDEO ¿TLENON IKA NINOYOLPAKTIS?, SAKIN XNANKILIKAN YEJUIN:

• 

  Ipan yejuin tonaltin, ¿kenon seki tlen ika noyolpaktilo nesi ken ijkuak nouisokiyaj gladiadores ipan Roma?

• 

  ¿Kenon ipan tlanechikojli uelis kinpaleuiskej telpokamej kuajli makitlapejpenikan tlen ika noyolpaktiskej?

• 

  ¿Kenon Romanos 12:9 techpaleuiya kuajli matiktlapejpenikan tlen ika toyolpaktiskej?

• 

  Kampa tejua tichanti, ¿tlenon uelis ika timoyolpaktis tlen makuelita Jehová?