Jehová kintlasojtla akin chipaujkanemij

Miyekej tajtin kinmachtiaj inkoneuan manomapajpakakan, makichipauakan kampa kochij, matlachpanakan niman makololokan intlajsol pampa kinekij ika machipaujkej. San ika, toTajtsin akin más kineki ika matichipaujkanemikan, pampa yejua chipauak (Éx 30:18-20; Dt 23:14; 2Co 7:1). Ijkuak tokojtiliaj tichipaujkej yeskej niman tikchipauaj tlen tijkuij, tikueyichiuaj Jehová (1Pe 1:14-16). ¿Kenon tikpiyaj tochan niman iyeualiujyan? Sekimej tlasolxiniaj ipan ojtli niman kampa ompaxalouaj, san ika, akin tikchiuaj ken Cristo tokojtiliaj xtiktsojkuiloskej yejuin tlaltikpaktli (Sl 115:16; Ap 11:18). Maski nesi kentla xueyi kijtosneki, ijkuak xsan kanon tiktlajkalij itlasolyo se dulce, se lata de refresco noso chicles kiteititia tla tichipaujkej. Tiknekij makitakan ika “tiitekitkauan Dios” (2Co 6:3, 4).

XKITAKAN VIDEO TOTAJTSIN KINTLASOJTLA AKIN CHIPAUJKANEMIJ, SAKIN XNANKILIKAN YEJUIN:

• ¿Tlenon ika notlajtlamiyaj akin kijtouaj ika xuelij chipaujkanemij?

• ¿Kenon Tlanauatijli tlen okimakakej Moisés techpaleuiya matikmatikan tlen Jehová kinemilia itech chipaualistli?

• ¿Kenon uelis tikueyichiuaskej Jehová maski xitlaj tikijtoskej?