Matomachtikan melak kuajli matitenojnotsakan: Matikinnojnotsakan akin xtlachiaj

TLEKA MELAK NONEKI. Miyekej akin xtlachiaj, xkuajli nomachiliaj ijkuak yakaj akin xkixmatij kinnojnotsa. Ika yejon, tla tiknekij tikinnojnotsaskej noneki tikmatiskej kenon tajsiskej ipan inyojlo. Jehová kintlasojtla akin xtlachiaj niman kineki kinpaleuis (Le 19:14). Matikchiuakan ken Jehová niman matokojtilikan tikinpaleuiskej makixmatikan toTajtsin.

KENON TIKCHIUASKEJ:

• Xkintejtemo akin xtlachiaj (Mt 10:11). ¿Tikixmati yakaj akin kipiya se ichanejkauj akin xtlachia? Kampa tejua titenojnotsa, ¿onka se escuela noso se kajli kampa nemij noso kintlajpiyaj akin xtlachiaj, niman kinekiskiaj kinpouaskej amatlajkuiloltin tlen kinchijchiuiliaj akin xtlachiaj?

• Xkimititi ika tikneki tikinpaleuis. Tla tejua kuajli tikinnotsa niman tikimititia ika yemelak tikneki tikinpaleuis, tikchiuas ika kuajli manomachilikan. Xtlajtlajtouili itech itlaj tlen kinekiskia kimatis.

• Xkinpaleui makixmatikan Jehová. Ikalpan toTajtsin yokitak kenon kinchijchiuas amatlajkuiloltin niman ijkon kinpaleuis akin xtlachiaj. Xtlajtolti kenon kuelitaskia nomachtis. Tlayekanketl itech tenojnotsalistli noneki kitas ika tokniuj akin kinxeloua amatlajkuiloltin makitlajtlani tlen kineki kiamapoauas akin xtlachia.