Kenon tiktekitiltiskej kampa kijtoua “Kenon peuas titenojnotsas”

Ipan enero de 2018 ika tlayekapan, ipeujyan amatlajkuilojli Tlen Tomachtiskej niman tlen Notekitiltis tlen tijkuij ipan tlanechikojli Nemilistli niman Tekitl ken Cristo opeuj notlalia “Kenon peuas titenojnotsas”. ¿Kenon uelis tiktekitiltiskej?

Ijkuak tikpanoltiaj se tlamachtijli. Noneki tiktekitiltiskej kampa kijtoua: xtetlajtolti, texto niman tlen sakin nonankilis. San ika, yejuin xkijtosneki ika noneki tikijtoskej ijkon ken kijtouaj ipan videos. Uelis tikpanoltiskej ijkon ken panoua kampa titenojnotsaj, tlamantik tipeuaskej noso okse itlaj tikteneuaskej. Uelis tiktemakaskej se amatlajkuilojli tlen onka ipan Tlen ika titemachtiaj maski ipan totlamachtil xtlaj kijtoua tla tiktemakaskej.

Ijkuak titenojnotsaj. Tlen uajlauj ipan “Kenon peuas titenojnotsas” techpaleuiya matikitakan kenon titenojnotsaskej. Tla yakaj kuajli techkaki niman okseki kineki kimatis, ok uelis iuan tonojnotstoskej niman tiktekitiltiskej tlen sakin nonankilis. Uelis achijtsin tikpatlas tlen ompa noijtoua noso tikpatlas itech tlen titlajtos. ¿Más kuajli techkakiskiaj tla tiktekitiltiaj tlen onoijto ipan okse metstli noso tla okse texto tiktekitiltiaj? ¿Yopanok itlaj tlen kinmajmana akin tikinnojnotsaj? Uelis tlatlamantik tiktekitiltis kampa kijtoua “Kenon peuas titenojnotsas” ijkon ken tejua tikitas ika tepaleuis. San ika, maka matikilkauakan ika tejuamej tiknekij tikteijliskej “on kuajli tlajtojli yejuan kiteijlia ken Dios temakixtia” (1Co 9:22, 23).