Matomachtikan Melak Kuajli Matitenojnotsakan: Matitenojnotsakan ipan interfono

TLEKA MELAK NONEKI. Miyekej yokitlalijkej cámaras niman interfonos pampa aman melak nochiujtika tlen xkuajli. Kanaj tomojtiaj ijkuak tiknojnotsaj yakaj akin xtikitaj san ika yejua kema techita. Tlen aman tikitaskej techpaleuis más kuajli matitenojnotsakan kampa onias cámara noso interfono.

KENON TIKCHIUASKEJ

• Xnemili ika mitskakiskej. Miyekej akin kipiyaj se cámara noso se interfono kinektokej touan nonojnotsaskej.

• Xkilnamiki ika maski xitikonpachouilia timbre, seki cámaras nimantsin peuaj kichiuaj grabación. Noijki uelis mitsonkaktoskej niman mitsonitstoskej ijkuak timonisiuis ipan puerta.

• Ijkuak yakaj mitsajnankilis xnotsa kentla tla tikitstoskia. Manesi ika tipaki niman xchiua ijkon ken nochipa tikchiuani. Xkijli tlen tikijtoskia tla uajtlatlaposkia. Tla onka se cámara maka melak xmonisiui. Tla xakaj mitsajnankilia maka xkaua se mensaje.

• Xkilnamiki ika, maski yotlan nentlajtlajtouaj, akin otiknojnots uelis ok mitsitstos noso mitskaktos.