MATINEMIKAN KEN CRISTO
Tikteititiaj ika titetlasojtlaj ijkuak tikseliaj ken temelajkatlalia Jehová
Tepaleui ijkuak yakaj kikixtiaj itech tlanechikojli pampa ijkon kintlajpiyaj tokniuan niman kipaleuiyaj akin xnoyolkuepa ipampa itlajtlakoluan (1Co 5:6, 11). Ijkuak tikseliaj ken temelajkatlalia Jehová, tikteititiaj ika titetlasojtlaj. ¿Kenon ueli nochiua yejon tla ijkuak yakaj kikixtiaj melak teyolkoko niman más kinyolkokoua ichanejkauan niman tlayekankej akin temelajkatlaliaj?
Kachtopa, tikteititiaj ika tiknekij kuajli matlajtokan itech Jehová niman ika tikintlasojtlaj itlanauatiluan tlen chipaujkej (1Pe 1:14-16). Noijki, tikititiaj akin yokis itech tlanechikojli ika tiktlasojtlaj. Maski teyolkoko ijkuak yakaj kimelajkatlaliaj, san ika, uelis kichiuas machipaui inemilis (Heb 12:5, 6, 11). Tla ok touikaj iuan akin yokis itech tlanechikojli noso akin xok touan nosentlalia, xtikauilijtoskiaj Jehová makimelajkatlali. Xkilnamiki ika Jehová temelajkatlalia hasta kampa kimelaua (Jer 30:11). Matikpaleuijtokan Jehová niman matitekichiujtokan ipan ikalpan chika tikchiaj ika akin yokis manokuepa itech toTajtsin akin melak teiknelia (Is 1:16-18; 55:7).
XKITAKAN VIDEO MATIMELAJKANEMIKAN ITECH JEHOVÁ IKA NOCHI TOYOJLO, SAKIN XNANKILIKAN YEJUIN:
¿Kenon nomachiliaj tajtin ijkuak inkoneuj kikaua Jehová?
¿Kenon uelis tikinpaleuiskej inchanejkauan akin kisa itech tlanechikojli?
¿Tlenon kiteneua Biblia tlen techititia ika más noneki timelajkanemiskej itech Jehová xijkon ken itech tochanejkauan?
¿Kenon tikteititiaj ika timelajkanemij itech Jehová xijkon ken itech tochanejkauan?